महतारी वंदन योजना ले लक्ष्मी ल मिलीस आर्थिक सबलता

विष्णु के सुशासन में  महिला मन आर्थिक सशक्तिकरण अऊ आत्मनिर्भरता कोति बढ़त हें
नारायणपुर, राज्य म महिला मन के आर्थिक स्वावलंबन अऊ ऊंखर स्वास्थ्य अऊ पोषण स्तर म सुधार बर अऊ महिला मन के अऊ सशक्त बनाए मुख्यमंत्री श्री विष्णुदेव साय ह महतारी वंदन योजना लागू करे हे। ए योजना के उद्देश्य महिला मन के प्रति समाज म व्याप्त भेदभाव अऊ असमानता ल दूर करत, ऊंखर स्वास्थ्य म सुधार अऊ आर्थिक सशक्तिकरण ल बढ़ावा देना हे। एखर अंतर्गत, पात्र विवाहित, विधवा अऊ परित्यक्ता महिला मन ल हर महीना 1,000 रुपिया के वित्तीय सहायता प्रदान करे जात हे।
इही कड़ी म नारायणपुर जिला के गांव मरकाबेड़ा, जिला नारायणपुर के रहइया श्रीमती लक्ष्मी कोर्राम, एक सामान्य किसान अऊ मजदूरी करइया महिला हे। सीमित संसाधन अऊ कठिनाइ मन के बीच जीवन यापन करइया लक्ष्मी के जीवन म एक बड़का बदलाव तब आइस, जब ओ ल महतारी वंदन योजना के जानकारी मिलीस। लक्ष्मी बताथे के योजना के जानकारी मिले के बाद वो ह एखर बर आवेदन करिस। स्वीकृति के बाद वोखर बैंक खाता म हर महीना 1000 रुपिया मिले लगीस। ए आर्थिक सहयोग ह वोखर जीवन ल नवा दिशा दीस। ए राशि ले वो ह गांव ओरछा के हाट बाजार म एक छोट कन होटल शुरू करिस, जेखर से वोखर आर्थिक स्थिति म सुधार होइस। अब ओखर परिवार बेहतर जीवन यापन कर पात हे अऊ ओखर आत्मविश्वास घलोक बाढ़े हे। लक्ष्मी कहत हे के अब तक मोला योजना के तहत 17 हजार रुपिया के राशि प्राप्त हो गे हे। ए योजना ह न केवल आर्थिक रूप ले मदद करे हे, बल्कि मोर स्वास्थ्य, सोच अऊ जीवन शैली म घलोक सकारात्मक बदलाव लाए हे। वो ये घलोक कहत हे के गांव के एक महिला होत अब में आत्मनिर्भर हंव। ये योजना मोर अऊ मोर परिवार बर कोनो वरदान ले कम नइ हे। लक्ष्मी मुख्यमंत्री श्री विष्णुदेव साय के प्रति धन्यवाद व्यक्त करत हे अऊ कहत हे के ए योजना ह ओ ल अपन छोटे व्यापार के सपना पूरा करे म मदद करिस, वोखर जइसे कई आन महिला मन ल घलोक एखर लाभ मिले हे।