महतारी वंदन योजना ह खोलिस आत्मनिर्भरता के दुआर

नारायणपुर, छत्तीसगढ़ सरकार के महतारी वंदन योजना महिला सशक्तिकरण के दिशा म एक क्रांतिकारी पहल बन गे हे। मुख्यमंत्री श्री विष्णुदेव साय के अगुवई अऊ महिला अऊ बाल विकास मंत्री श्रीमती लक्ष्मी राजवाड़े के मार्गदर्शन म संचालित ए योजना ह लाखों महिला मन ल आत्मनिर्भर अऊ आर्थिक रूप ले सक्षम बनाय हे। योजना के तहत अब तक 11081.68 करोड़ रूपिया के राशि 69.23 लाख ले जादा हितग्राही महिला मन ल ऊंखर बैंक खाता के माध्यम ले अंतरित होए हे।
महिला अऊ बाल विकास मंत्री श्रीमती लक्ष्मी राजवाड़े ह कहिन के, महतारी वंदन योजना केवल आर्थिक सहायता के जरिया नो हे, बल्कि महिला मन ल सम्मानजनक अऊ सशक्त जीवन कोति बढ़ाने वाला माध्यम हे। ये योजना राज्य के महिला मन के आत्मबल, स्वास्थ्य अऊ समाज म भागीदारी ल मजबूत करे के काम करत हे। ए योजना के 17वां किश्त 1 जुलाई 2025 म देहे गीस, जेमां 647.66 करोड़ रूपिया के राशि हितग्राही मन के खाता म अंतरित करे गीस। योजना के तहत 21 ले 60 साल के आयु वर्ग के विवाहित, विधवा, तलाकशुदा अऊ परित्यक्ता महिला मन ल हर महीना 1,000 रूपिया के वित्तीय सहायता राज्य शासन कोति ले देहे जात हे।
नारायणपुर जिला के बासिंग गांव के रहवइया श्रीमती एतवारिन कुमेटी ए योजना के प्रत्यक्ष उदाहरण हे, जे ह सरकारी सहयोग ले मुर्गी पालन के व्यवसाय शुरू करिस अऊ आत्मनिर्भर बने के दिशा म ठोस कदम उठाइस। कइ बछर तक मजदूरी करके जीवन बिताने वाली श्रीमती एतवारिन कहिथे के मोला अब तक योजना ले 17,000 रूपिया के सहायता मिले हे। ए ह नइ सिरिफ मोर आर्थिक स्थिति सुधारे हे बल्कि आत्मविश्वास घलोक बढ़ाए हे। अब में अपन छोटे व्यवसाय ल आगू बढ़ावत हंव अऊ आन महिला मन ल घलोक प्रोत्साहित करत हंव।
वो मुख्यमंत्री श्री विष्णुदेव साय अऊ मंत्री श्रीमती लक्ष्मी राजवाड़े के आभार व्यक्त करत कहत हे के महतारी वंदन योजना हमार जइसे महिला मन बर वरदान हे, जेन हमार जीवन म उम्मीद अऊ बदलाव लेके आए हे।