महतारी वंदन योजना ले बदलत हे छत्तीसगढ़ के महिला मन के जिंदगी

विष्णु देव साय के सुशासन म महिला मन बनत हें आत्मनिर्भर अऊ सशक्त
रायपुर, प्रदेश म महिला मन के आर्थिक स्वावलंबन, स्वास्थ्य अऊ पोषण स्तर म सरलग सुधार अऊ परिवार म उंखर निर्णायक भूमिका ल सुदृढ़ करे के उद्देश्य ले मुख्यमंत्री श्री विष्णु देव साय कोति ले महतारी वंदन योजना लागू करे गए हे। ए योजना के अंतर्गत पात्र विवाहित, विधवा अऊ परित्यक्ता महिला मन ल प्रतिमाह 1,000 रूपिया के वित्तीय सहायता सीधा ऊंखर बैंक खाता मन म देहे जात हे।
महिला अऊ बाल विकास मंत्री श्रीमती लक्ष्मी राजवाड़े के मार्गदर्शन म ये योजना प्रदेश म महिला मन के प्रति व्याप्त भेदभाव अऊ असमानता ल कम करे के संगे-संग ओ मन ल आर्थिक मजबूती अऊ आत्मनिर्भरता के दिशा म अग्रसर करत हे। अभी हाल म छत्तीसगढ़ के 69.19 लाख ले जादा महिला मन ए योजना ले लाभान्वित होवत हे। केवल नारायणपुर जिला म ही हर महीना 27 हजार ले जादा महिला मन के खाता म 2 करोड़ 78 लाख रूपिया ले जादा के राशि स्थानांतरित करे जात हे, जेमां विशेष पिछड़ी जनजाति वर्ग के 3,687 महिला मन घलोक सामिल हे।
नारायणपुर जिला के ग्राम कोलियारी रहवइया श्रीमती हिरामनी नाग बताथे के पहिली वोखर घर के आर्थिक स्थिति कमजोर रहिस, फेर महतारी वंदन योजना के तहत मिलइया 1,000 रूपिया ले अब घर के जरूरत अऊ लइका मन के पढ़ाई के खरचा आसानी ले पूरा होवत हे। ए राशि ले वोखर घर के खानपान म घलोक सुधार आए हे अऊ अब ओ मन ल कोनो ले उधार नइ लेहे ल परत हे।
ग्राम बेनूर के श्रीमती भुनेश्वरी बघेल, जऊन एक गृहिणी अऊ किराना दुकान चलाथे, कहिथे के ए योजना ले ओ ल लइका मन के शिक्षा, स्कूल ड्रेस, घर के जरूरी सामान अऊ दुकान बर सामान बिसाए म मदद मिलथे। संगे वो ह अपन बेटी के भविष्य बर सुकन्या योजना म खाता खोलके सरलग पइसा तको जमा करना शुरू करे हे।
ए दुनों महिला मन के कहानी ये साबित करथे के सही दिशा अऊ थोकुन सहयोग ले महिला मन अपन पांव म खड़े होके परिवार के आर्थिक रीढ़ बन सकम हें। महतारी वंदन योजना छत्तीसगढ़ के लाखों महिला मन के जीवन म खुशहाली अऊ आत्मनिर्भरता के नवा कहानी लिखत हे।