महतारी वंदन योजना के 30वां किश्त ले नवागढ़ के अनिता कश्यप ल मिलिस तिहार के सौगात

जांजगीर-चांपा, छत्तीसगढ़ सरकार कोती ले चलाए जात महतारी वंदन योजना महिला मन ल आर्थिक रूप ले मजबूत अउ आत्मनिर्भर बनाय के काम करत हे। योजना के तहत पात्र महिला मन ल हर महीना 1,000 रुपिया के आर्थिक मदद सीधा उंकर बैंक खाता म भेजे जाथे।
जांजगीर-चांपा जिला के नवागढ़ विकासखंड अंतर्गत ग्राम पेंड्री के बासिंदा श्रीमती अनिता कश्यप बर रक्षाबंधन तिहार ले पहिली मिले 30वां किश्त खुशि के सौगात लेके आइस। खाता म 1,000 रुपिया आए ले उन ह कहिन के एखर ले लइका मन के पढ़ई, घर के जरूरी खरचा अउ तिहार के तइयारी म भारी सहारा मिले हे।
अनिता कश्यप ह तिहार पहिली राशि मिले बर मुख्यमंत्री श्री विष्णु देव साय के आभार जतावत ‘विष्णु भैया’ ल धन्यवाद दीन। उन कहिन के हर महीना मिलइया ये राशि ले महिला मन म आत्मविश्वास बाढ़े हे अउ परिवार के जरूरत मन ल पूरा करे बर दूसर उपर निर्भर नइ रहे बर परत हे।