महतारी वंदन योजना के 30वां किश्त ले बहिनी मन के चेहरा म खिलिस रक्षाबंधन के हांसी

गौरेला, छत्तीसगढ़ म महतारी वंदन योजना माई-बहिनी मन के आर्थिक संबल, आत्मनिर्भरता अउ मान-सम्मान के मजबूत आधार बनत हे। ए योजना के तहत हर महीना मिलइया आर्थिक मदद ले महिला मन अपन जरूरत पूरा करे के संग परिवार के हाथ घलो बंटावत हें।
गौरेला विकासखंड के ग्राम मेढूका के बासिंदा बहिनी देवेंद्र कुमारी बर योजना के 30वां किश्त रक्षाबंधन के तिहार के पहिली पहुंचे ले भारी संबल मिले हे। उन कहिन के राखी के तिहार ले पहिली बैंक खाता म पइसा आ जाय ले तइयारी अउ खरदारी म भारी सुभीता हो गे हे।
देवेंद्र कुमारी ह मुख्यमंत्री श्री विष्णु देव साय ल मया ले ‘विष्णु भैया’ कहत आभार जताइन। उन कहिन के तिहार ले ठीक पहिली मिले ये सहायता भाई के मया अउ उपहार बरोबर हे। ए योजना ले महिला मन के आत्मविश्वास बाढ़े हे अउ अब छोटे-बड़े खरचा बर परिवार के दूसर लोगन उपर निर्भर नइ रहे बर परत हे।