मोहला-मनपुर-अंबागढ़ चौकी, छत्तीसगढ़ शासन के महतारी वंदन योजना ग्रामीण महिला मन के जीवन म बदलाव के नवा इबारत लिखत हे। ये योजना न केवल महिला मन ल आर्थिक रूप ले सशक्त बनात हे बल्कि परिवार के जरूरत म घलो भागीदार बनत हे। श्रीमती रबीना पिस्दा जेन एक गृहिणी हे अउ मोहला-मनपुर-अंबागढ़ चौकी जिला के ग्राम पंडरीतराई निवासी हे, ओहा योजना के तहत हर महिना 1000 रूपिया के आर्थिक सहायता प्राप्त करत हे, ओहा बताइस के ए राशि के उपयोग ओहा अपन बेटा के शिक्षा अऊ जरूरी घरेलू काम म करत हे।
ए बछर जब ओकर बेटा ह पहिली कक्षा म भरती लीस, ओहा महतारी वंदन योजना के पइसा ले बेटा बर बस्ता, स्लेट, पेंसिल, जूता समेत आन शिक्षण सामग्री बिसाए हे। श्रीमती रबीना ह बताइस के ओकर पति कृषि कार्य करथे अऊ ओहा खुद खेती म हाथ बंटाथे। पहिली कोनो भी प्रकार के बचत करना मुश्किल रहिस, लेकिन ए योजना ले हर महिना थोर-बहुत राशि के बचत करके ओहा अपन बेटा के उज्जवल भविष्य के मजबूत नींव रखत हे। मुख्यमंत्री श्री विष्णुदेव साय अऊ महिला अउ बाल विकास मंत्री श्रीमती लक्ष्मी राजवाडे के प्रति आभार व्यक्त करत श्रीमती रबीना ह कहिस के महतारी वंदन योजना ह वोखर जइसे हजारों-लाखो महिला मन ल सशक्त बनाए हे।
महतारी वंदन योजना बनिस आर्थिक सहारा, महिला के भविष्य के नवा अंजोर
