छोट-छोट बचत मन ले संवरत हे गांव के जीवन, महिला सशक्तिकरण के धुरी बनिस महतारी वंदन योजना

जशपुर जिला के दू लाख ले जादा महिला मन ल अब तक 363.42 करोड़ रूपिया के सहायता राशि के लाभ
महतारी वंदन योजना ले महिला मन ल मिलत हे आत्मविश्वास, सम्मान अऊ आत्मनिर्भरता के रद्दा
जशपुर, छत्तीसगढ़ सरकार कोति ले महिला मन के सामाजिक, आर्थिक अऊ पारिवारिक जीवन म सकारात्मक बदलाव लाय के उद्देश्य ले शुरू करे गए महतारी वंदन योजना आज ग्रामीण जीवन के रीढ़ बन गे हे। मुख्यमंत्री श्री विष्णु देव साय के पहल म शुरू करे गए ए महत्वाकांक्षी योजना के तहत प्रदेश के लाखों महिला मन ल हर महिना 1000 रूपिया के प्रत्यक्ष सहायता देहे जात हे। जशपुर जिला म अब तक 2 लाख ले जादा महिला मन ल कुल 363.42 करोड़ के राशि देहे गए हे, जेन हर न केवल ऊंखर जीवन ल सशक्त बनाय हे, बल्कि स्थानीय अर्थव्यवस्था म घलोक नवा ऊर्जा के संचार करे हे।
पहिली जिहां महिला मन अपन छोट-छोट जरूरत मन बर घलोक दूसर मन उपर निर्भर रहत रहिन, उहें अब ओ मन जरूरत परे म अपन खाता ले पइसा निकालके अपन आवश्यकता खुदे पूरा करत हे। ए आत्मनिर्भरता ल अऊ जादा सुलभ बनाए बर गांव-गांव म अटल सुविधा केंद्र के स्थापना करे गए हे, जिहां ले महिला मन नगद राशि आसानी ले प्राप्त करत हें।
ए योजना के सबले बड़का खासियत ये हे के एखर से मिलइया आर्थिक सहायता केवल व्यक्तिगत उपयोग तक सीमित नइ हे। महिला मन एकर उपयोग अपन लइका मन के पढ़ाई, घरेलू जरूरत, तिहार के तियारी मन के संगे-संग सुकन्या समृद्धि योजना जइसे निवेश माध्यम मन म घलोक करत हें। कई महिला मन ह ए राशि ले अपन छोटे व्यवसाय शुरू करे हे कोनो सिलाई के दुकान चलावत हें त कोनो किराना या फल-सब्ज़ी के व्यापार करत हें।
महतारी वंदन योजना के असर स्थानीय बाजार मन म घलोक देखे ल मिलत हे। जब-जब योजना के राशि खाता म पहुंचथे, बाजार मन म रौनक बाढ़ जाथे। दुकानदार, छोटे व्यवसायी अऊ सेवा प्रदाता मन ल घलोक एकर सीधा लाभ मिलत हे। अब ये योजना सिरिफ महिला मन तक सीमित नइ रह गए हे, भलुक ये पूरा ग्रामीण अर्थव्यवस्था के प्रगति के माध्यम बन गे हे।
महिला मन के बाढ़त आत्मविश्वास अऊ उद्यमिता ल अऊ जादा समर्थन देहे बर राज्य सरकार ह महतारी शक्ति करजा योजना घलोक शुरू करे हे। ए योजना के तहत छत्तीसगढ़ राज्य ग्रामीण बैंक के माध्यम ले महिला मन ल 25,000 रूपिया तक के करजा सबले कम ब्याज दर म, 48 महिना के आसान किश्त म उपलब्ध करावत हे। जशपुर जिला म अब तक 875 महिला मन ए योजना के लाभ उठा डरे हें, अऊ एला अपन व्यापार अउ आन उपयोगी काम मन म लगावत हें।