जशपुर, प्रदेश के महिला मन ला आर्थिक रूप ले मजबूत अउ आत्मनिर्भर बनाये के दिसा म मुख्यमंत्री श्री विष्णु देव साय के पहल म चलत ‘महतारी वंदन योजना’ ह बड़े भूमिका निभावत हे। ए योजना के तहत पात्र महिला मन के बैंक खाता म हर महीना 1000 रूपया के रासि सीधा भेजे जावत हे, जेखर से ओमन ला अपन जरूरत मन ला पूरा करे म सुभीता मिलत हे। योजना ले महिला मन के जिनगी म बने बदलाव देखे ला मिलत हे।
इही कड़ी म जशपुर जिला के ग्राम झरगांव के रहइया श्रीमती प्यारी मांझी ला घलो महतारी वंदन योजना के लाभ मिलत हे। ओखर खाता म हर महीना मिलइया सहायता रासि ले ओहा अपन परिवार के रोज के जरूरत मन ला पूरा कर पावत हे। एखर से ओला आर्थिक रूप ले सहयोग मिलत हे अउ घर के जिम्मेदारी ला निभाय म आसानी होवत हे।
श्रीमती प्यारी मांझी ह बताथे के सासन के ए योजना ले ओला नियम के संग 1000 रूपया मिलत हे, जेखर ले ओहा घर के छोटे-मोटे खरचा के संगे-संग लइका मन के पढ़ाई-लिखाई म घलो मदद कर पाथे। एखर से ओखर परिवार ला आर्थिक सहारा मिले हे अउ ओहा अपन आप ला जादा आत्मनिर्भर महसूस करत हे।
महतारी वंदन योजना के माधयम ले जिला के पात्र महिला मन ला सीधा आर्थिक मदद मिलत हे, जेखर ले ओमन परिवार के आर्थिक जिम्मेदारी म हाथ बटावत आत्मनिर्भर बने के दिसा म आगू बढ़त हें। योजना ले महिला मन के रहन-सहन म सुधार के संग-संग ओमन के आत्मविस्वास म घलो बाढ़ होवत हे।
महतारी वंदन योजना ले महिला मन ला मिलत हे आर्थिक सहारा
