सुकांति अपन बेटी मन के अच्छा शिक्षा बर महतारी वंदन योजना के राशि के करही उपयोग

जगदलपुर, 08 मार्च 2024। राज्य सरकार कोति ले छत्तीसगढ़ म महतारी वंदन योजना लागू करे गए हे। महतारी वंदन योजना ले प्रदेश के महिला मन ल आर्थिक रूप ले मजबूती मिलही। संगेच स्वास्थ्य अउ पोषण स्तर म सुधार के संग परिवार म उंखर मान बाढ़ही। योजना म स्वावलंबन अउ सशक्तिकरण ल बढ़ावा देहे के उद्देश्य ले पात्र विवाहित महिला मन ल हर महीना एक हजार रुपिया के वित्तीय सहायता प्रदान करे जाही।
जगदलपुर जिला के ग्राम आडावाल निवासी सुकान्ति सिंह ह बताइस कि सरकार के महतारी वंदन योजना चालू करे के घोषणा के बाद महिला अउ बाल विकास विभाग के कर्मचारी मन से योजना के संबंध म मुहल्ला म जानकारी मिलिस। सूचना मिले के बाद इलाका के सामुदायिक केंद्र म लगे शिविर म महतारी वंदन योजना के आवेदन वो ह जमा करिस। महतारी वंदन योजना के तहत चुने गए महिला मन के लिस्‍ट म ओखर नाव आए ले हितग्राही सुकांति सिंह बहुत उत्साहित हे। वो दैनिक मजदूरी के काम करथे अऊ अपन परिवार के पालन-पोषण करत हे। परिवार म दू बेटी एक बेटा हे, पति के देहांत कुछ साल पहिली हो गए हे। आवेदन के जांच के बाद ओखर महतारी वंदन योजना के पात्र हितग्राही म नाम आए हे। सुकांति ह बताइस कि मिलइया राशि के उपयोग वो ह बेटी मन के शिक्षा अऊ परिवार के जरूरत मन के पूर्ति बर करही।