महतारी वंदन योजना के पइसा मिले ले रेखा के बाढ़ गे हे हिम्‍मत, अपन जरूरत मन ल पूरा करे म मिलत हे मदद

CHHTTISGARHI NEWS: रायगढ़, छत्तीसगढ़ शासन के महत्वाकांक्षी महतारी वंदन योजना प्रदेश के लच्छी तको महिला मन बर आर्थिक स्वावलंबन के संबल बन के आम हे। ए योजना के तहत मिलत नियमित आर्थिक सहायता ले महिला मन के आर्थिक जरूरत घलो पूरा होवत हे, जेकर से ओमन ल बड़का मानसिक संबल मिलत हे। इही कड़ी मं रायगढ़ जिला के निवासी श्रीमती रेखा पटेल ह घलो अपन अनुभव साझा करे हे। ओ ह बताइस के जइसनहे मोबाइल मं महतारी वंदन योजना के पइसा आय के मैसेज मिलथे, वइसनहे ओखर चेहरा खुसी ले दमक उठिस। ए पइसा ल पा के ओ ल एक नवा उम्मीद अउ आत्मनिर्भरता के एहसास होए हे।
रेखा पटेल ह ए योजना बर मुख्यमंत्री श्री विष्णु देव साय के सरकार के प्रति आभार जतइस। ओ ह कहिस के ए आर्थिक मदद ले अब ओ ल कोनो छोट-मोट चीज खरचा बर दूसर ऊपर निर्भर नइ रहना परत हे। ए योजना ले ओ ल अपन घर-परिवार के जरूरत मन ल पूरा करे, खासकर लइका मन के शिक्षा-दीक्षा अउ घर के छोटे-मोटे खरचा मन ल उठाए मं अढ़बढ़ सुविधा होत हे। एखर संगेच, ए योजना ले महतारी मन ल परिवार के आर्थिक निर्णय मन मं घलो भागीदारी बढ़ाए के मौका मिलत हे। महतारी वंदन योजना सही मायने मं महिला मन के सशक्तिकरण अउ ओमन के सम्मान ल बढ़ाए के दिसा में एक ऐतिहासिक कदम साबित होवत हे, जेखर सफल परिणाम धरातल म देखे बर मिलत हे। रायगढ़ अउ पूरा राज्य के महिला मन ए योजना ले भारी उत्साहित हे अउ सरकार के ए कदम ल ओमन ह सहरावत हें। ए योजना ले ओमन के जम्‍मो आर्थिक चिंता दूर होगे हे अउ ओमन ल जीवन मं आघू बढ़े के नवा रस्ता मिलगे हे।