CHHATTISGARHI NEWS: रायपुर gurturgoth, जिला के ग्राम रनई के रहइया 29 बछर के श्रीमती संगीता बर महतारी वंदन योजना बड़ाका सहारा बन गे हावय। पति ओमप्रकाश के संग खेती-बाड़ी अउ मजदूरी करके घर चलइया संगीता बर सीमित आमदनी म परिवार के जरूरत पूरा करना कठिन होत रहिस, फेर महतारी वंदन योजना के राशि ओखर चिंता ल कम कर दे हावय। हर महीना बैंक खाता म अवइया एक हजार रुपिया के राशि ले संगीता अपन लइका मन के पढ़ई-लिखई के सामान जइसे के कापी-किताब अउ घर के छोटे-छोटे जरूरत मन ल आसानी ले पूरा करत हे।
संगीता बताथे के मजदूरी अउ खेती म आमदनी एक समान नइ रहय, अउ अइसन बेरा म ए योजना के राशि बहुत उपयोगी साबित होथे। ए मदद ले ओ ह परिवार के आर्थिक जिम्मेदारी म अपन सहभागिता निभा पावत हे। योजना के लाभ मिले ले ओखर लइका मन के पढ़ाई ल लेके उम्मीद अउ मजबूत होगे हावय। संगीता मुख्यमंत्री विष्णु देव साय के प्रति आभार व्यक्त करत कहिथे के ए नियमित आर्थिक सहायता ले हमार परिवार के जरूरत मन ल संभाले म बहुत मदद मिलत हावय, अउ ए प्रकार के जनकल्याणकारी योजना ग्रामीण महिला मन ल आत्मनिर्भर अउ सशक्त बनावत हावय।
रायपुर के संगीता के लइका मन के पढ़ाई ल मिलिस महतारी वंदन योजना के संबल, नियमित आर्थिक मदद ले संवर गे जिनगी
