निसचिंत होके अब करत हें सरकारी काम के संग पारिवारिक जिम्मेदारी के घलो पालन
बालोद, छत्तीसगढ़ सरकार कोति ले राज्य के महिला मन ला आत्मनिर्भर अउ सशक्त बनाय के उदिम ले सुरू करे गे ‘महतारी वंदन योजना’ ह प्रदेश के कतको जरूरत मंद महिला मन बर हर तरह ले उपयोगी अउ लाभप्रद साबित होत हे। इही कड़ी में, राज्य सरकार के महतारी वंदन योजना बालोद विकासखण्ड के ग्राम देवारभाट आंगनबाड़ी केन्द्र के सहायिका श्रीमती सेवती बाई ठाकुर बर भारी मददगार अउ उपयोगी साबित होत हे।
महतारी वंदन योजना ले हर महिना मिलइया 1,000 रूपया के राशि के उपयोग श्रीमती सेवती बाई ह अपन लइका मन के स्कूल फीस भरे के संगे-संग दूसर जरूरी काम मन म करत हें। महतारी वंदन योजना के तहत हर महिना ओकर खाता म बखत म पइसा जमा हो जाय ले अब ओहा निसचिंत होके सरकारी ड्यूटी के संगे-संग घर-परिवार के जिम्मेदारी ला घलो बढ़िया ले निभा पावत हें।
ए योजना के तारीफ करत श्रीमती सेवती बाई ह बताइन के राज्य सासन के ए बड़का योजना ह हमर जइसन कतको जरूरत मंद महिला मन बर मुस्किल बखत के सहारा बनके एक वरदान साबित होत हे। ओमन बताइन के राज्य म ए योजना के लागू होय के पहिली, ओला अपन लइका मन के स्कूल फीस अउ दवाई-इलाज बर अपन पति अउ घर वाला मन ऊपर आसरित रहे बर परत रहिस। जेखर सेती बखत म पइसा के इंतजाम करे म भारी दिक्कत होत रहिस।
फेर अब महतारी वंदन योजना के माध्यम ले हर महिना ओकर खाता म 1,000 रूपया के राशि नियम से जमा होय ले लइका मन के स्कूल फीस भरे के अलावा दूसर जरूरी काम ला पूरा करे म कोनो किसम के परेशानी नइ होवय। ओमन कहिन के महतारी वंदन योजना ले मिलइया पइसा हमर जइसे गरीब महिला मन बर बड़का सहारा बन गे हे।
श्रीमती सेवती बाई ह कहिन के मुख्यमंत्री श्री विष्णुदेव साय के अगुवई वाली छत्तीसगढ़ सरकार ह एक सच्चा अभिभावक कस हम महिला मन के असली जरूरत ला समझिस अउ हमन ला आत्मनिर्भर अउ मजबूत बनाय के जो काम करे हे, ओहा सच म बहुते तारीफ के लइक हे। ओमन ए योजना ला राज्य म लागू करके अपन जइसे प्रदेश के कतको जरूरत मंद महिला मन ला सहारा अउ संबल देहे बर मुख्यमंत्री श्री विष्णुदेव साय ला हिरदे ले धन्यबाद देहे हें अउ आभार प्रकट करे हें।