रायपुर, 06 फरवरी 2024। छत्तीसगढ़ म प्रधानमंत्री श्री नरेन्द्र मोदी के एक अऊ गारंटी पूरा करे के दिशा म मुख्यमंत्री श्री विष्णु देव साय के अगुवई म राज्य म महतारी वंदन योजना के क्रियान्वयन बर अउ योजना के तहत प्रदेश के महिला मन ल लाभ देवाए के उद्देश्य ले काली ले प्रदेश के सबो जिला मन म आवेदन पत्र भरे के प्रक्रिया चालू हो गे। आवेदन पत्र भरे के काम बड़ तेजी ले होवत हे। ए योजना के लाभ लेहे बर महिला मन बड़ संख्या म आवेदन पत्र जमा बर ग्राम पंचायत, वार्ड कार्यालय, आंगनबाड़ी केन्द्र, परियोजना कार्यालय अउ विशेष कैम्प म पहुंचत हें अऊ अपन आवेदन पत्र जमा करत हें। एखर अलावा पोर्टल के माध्यम ले घलोक ऑनलाईन आवेदन पत्र भरे जात हे।
राज्य शासन ह महिला सशक्तिकरण के दिशा म आर्थिक स्वावलंबन, ऊंखर स्वास्थ्य अउ पोषण स्तर म सरलग सुधार, परिवार परिवार के निर्णय म उंखर भूमिका सुदृढ़ करे के उद्देश्य ले महतारी वंदन योजना के तहत जिला म पात्र महिला हितग्राही मन ले फार्म जमा करे के प्रक्रिया शुरू करे हे। महतारी वंदन योजना बर आवेदन पत्र भरे के संपूर्ण प्रक्रिया निःशुल्क हे। आंगनबाड़ी केन्द्र, ग्राम पंचायत सचिव, बाल विकास परियोजना कार्यालय, नगरीय क्षेत्र मन म वार्ड कार्यालय म फार्म भरे जात हे। पात्र आवेदक खुद पोर्टल के माध्यम ले आवेदन प्रस्तुत कर सकत हे। योजनांतर्गत आवेदन प्राप्त करे के आखरी तारीक 20 फरवरी 2024 हे। अनन्तिम सूची 21 फरवरी 2024 के जारी के जाही। अनन्तिम सूची म आपत्ति 21 ले 25 फरवरी 2024 तक करे जा सकत हे। आपत्ति के निराकरण 26 ले 29 फरवरी 2024 तक करे जाही। आखरी सूची के प्रकाशन 1 मार्च 2024 के होही अउ स्वीकृति पत्र 5 मार्च 2024 के जारी होही अउ पात्र महिला हितग्राही ल राशि के अंतरण 8 मार्च 2024 के करे जाही।
महतारी वंदन योजना बर आवेदन करे के आखरी तारीक 20 फरवरी
