रइपुर, 1 मई 2021 शनिच्चर । मुख्यमंत्री दाउ भूपेश बघेल ह श्रमवीर मन ल मई दिवस के बधई अउ शुभकामना दीन हे। दाउ बघेल कहीन कि अंतर्राष्ट्रीय श्रमिक दिवस ल हमन श्रमिक दिवस या मई दिवस के रूप म मनाथन । ये दिन ह श्रमिक मन के मेहनत अउ समर्पण के सम्मान के दिन हरे ।
मुख्यमंत्री ह कहीन कि श्रमिक हमर समाज के अभिन्न अंग अउ विकास के आधारशिला हरे । कोरोना संकट के दौर म श्रमिक मन संगे जरूरतमंद लोगन मन तको राहत पहुंचाए के हरसंभव प्रयास राज्य सरकार कोति ले करे जावत हे। गांव मन म कोरोना गाइडलाइन के पालन करत मनरेगा के बूता आवश्यकतानुसार प्रारंभ करे जावत हें। औद्योगिक संस्थान मन ले अपन संस्थान के श्रमिक मन के टीकाकरण कराए, उन्कर सहूलियत के धियान रखे अउ संस्थान मन म कोरोना ले बचाव के गाइडलाइन के कड़ई ले पालन करे बर कहे गे हवय । छत्तीसगढ़ सरकार सबो कामगार मन के समाजिक-आर्थिक खुशहाली बर प्रतिबद्ध हवय अउ ये दिशा म सरलग बूता करत हावय।
