नारायणपुर 23 अप्रैल 2021 शुकवार। खाद्य, नागरिक आपूर्ति उ उपभोक्ता संरक्षण विभाग कोति ले जम्मो कलेक्टर मन ल चिट्ठी भेजके राशन कार्ड धारक मन ल मई अउ जून 2021 बर चाउर के एकमुश्त बाँटे के संबंध म आवश्यक दिशा-निर्देश प्रदान करे गे हवय ं। कोविड -19 के संक्रमण के प्रबंधन के अंतर्गत निर्णय लेहे गे हे कि राज्य म सार्वजनिक वितरण प्रणाली म अन्त्योदय, प्राथमिकता, निःशक्तजन, एकल निराश्रित अउ अन्नपूर्णा श्रेणी के राशन कार्डधारक मन ल महीना मई 2021 अउ जून 2021 बर चाउर के एकमुश्त वितरण करे जावय। इन्कर मन बर चाउर के आबंटन जारी करके एकमुश्त भण्डारण करके वितरण महीना मई, 2021 म करवाय जाय । एकर बर आवश्यतानुसार जगा का चुन के खाद्यान्न के सुरक्षित रखरखाव बर समुचित व्यवस्था करे जावय।
2 महीना के खाद्यान्न एकमुश्त बाँटे के संबंध म सूचना बर जानकारी अंकित करके उचित मूल्य दुकान म सूचना पटल म प्रदर्शित करे जाय अउ संचार माध्यम अउ मुनादी के माध्यम ले पर्याप्त प्रचार-प्रसार करे जाय। राशनकार्डधारक अपन सुविधा अनुसार 1 या 2 महीना के चाउर ले सकही । उन ल 2 महीना के चाउर एकमुश्त उठाव करे के बाध्यता नइ होवय । उचित मूल्य दुकान मन म वितरण के बेरा कोविड-19 संक्रमण के रोकथाम बर उपयुक्त व्यवहार के संबंध म शासन कोति ले देहे दिशा-निर्देश मन के कड़ई ले अनुपालन सुनिश्चित करवाय जाय। जिला के सबो उचित मूल्य दुकान संचालक मन ले महीना मार्च, 2021 के घोषणा-पत्र अउ महीना मई, 2021 म 2 महीना के चाउर अउ आने राशन साम्रगी उठाव बर डिमाण्ड ड्राफ्ट 30 अप्रैल, 2021 तक प्राप्त करके विभागीय वेबसाईट म डेटा एन्ट्री पूर्ण करा लेवय ।
