छत्तीसगढ़ संस्कृत विद्यामंडलम के मुख्य परीक्षा 15 अप्रैल ले, प्रेक्टिकल 20 फरवरी ले

रायपुर, 4 फरवरी 2021। छत्तीसगढ़ संस्कृत विद्यामंडलम के शिक्षा सत्र 2021 के मुख्य परीक्षा के तारीख के घोषणा करे गए हे। पूर्व मध्यमा प्रथम वर्ष कक्षा 9वीं अऊ पूर्व मध्यमा द्वितीय 10वीं कक्षा के परीक्षा 15 अप्रैल ले 28 अप्रैल तक होही। उत्तर मध्यमा प्रथम वर्ष कक्षा 11वीं अऊ उत्तर मध्यमा द्वितीय वर्ष 12वीं कक्षा के परीक्षा 30 अप्रैल ले 15 मई तक होही। छत्तीसगढ़ संस्कृत विद्यामंडलम के सचिव राजेश कुमार सिंह ह बतइन कि मुख्य परीक्षा ऑफलाइन लेहे जाही। प्रायोगिक परीक्षा 20 फरवरी ले शुरू होही। ये परीक्षा मन म  सोशल डिस्टेंसिंग के पालन कराये बर एक विषय के प्रायोगिक परीक्षा एक दिन म 2-3 शिफ्ट म होही। छात्र संख्या जादा होय के स्थिति म एक विषय के परीक्षा एक या दू दिन म घलो लेहे जाही। कोरोना महामारी के सेती प्रायोगिक परीक्षा म वाह्य परीक्षक के अनिवार्यता ल समाप्त करे गए हे। यथासंभव 10 मार्च तक प्रायोगिक परीक्षा पूर्ण कर लेहे जाही। संस्कृत विद्यामंडल के डाहर ले ये संबंध म सबो विद्यालय मन ल निर्देश जारी करे जावत हे। मुख्य परीक्षा के समय-सारिणी संस्कृत विद्यामंडलम के वेबसाइट www.cgsvm.cgstate.gov.in म उपलब्ध हे।