धमतरी, 14 अक्टूबर 2020। धमतरी जिला के मगरलोड थाना क्षेत्रान्तर्गत ग्राम मड़ेली म आज आबकारी अमला ल बडका सफलता मिले हे। विभाग के टीम के द्वारा दबिश देके चार अलग-अलग प्रकरण म शराब के अवैध विक्रय, परिवहन अउ भण्डारण के मामला म चार आरोपी ले कुल 40 लीटर कच्चा शराब जब्त करे गेहे अउ आरोपी मन ल न्यायिक हिरासत म लेके ओमन ल जेल भेज देहे। जिला आबकारी अधिकारी ले प्राप्त जानकारी के अनुसार मगरलोड विकासखण्ड के ग्राम मड़ेली निवासी मुन्नी बाई पति रतनूराम कमार कच्चा महुआ शराब बेचत पाय गेहे अउ उखर आधिपत्य ले 3 लीटर महुआ शराब बरामद करके उखर विरुद्ध धारा 34(1)(क), (ख) आबकारी एक्ट के तहत कार्रवाई करे गेहे। इहि ग्राम म तलाशी के दौरान दशमत पति द्वारिका कमार ले 23 लीटर महुआ शराब, लक्ष्मी पति रामलाल कमार ले 8 लीटर महुआ शराब अउ पुरूषोत्तम पिता लखमन कमार ले 6 लीटर महुआ शराब बरामद कर धारा 34(1) (क), 34(2), 59(क) आबकारी एक्ट के तहत गैरजमानती अपराध पंजीबद्ध करके तीनों आरोपी ल न्यायिक रिमाण्ड म जेल दाखिल कराया गेहे।
धमतरी म आबकारी विभाग के बड़का कार्रवाई, 40 लीटर कच्चा शराब के संग चार आरोपी गिरफ्तार
