रायपुर, 1 जनवरी 2021। वन मंत्री मोहम्मद अकबर के निर्देशानुसार राज्य म वन विभाग के डाहर ले अवैध लकड़ी के कटाई अऊ परिवहन सहित वन अपराध मन के रोकथाम बर सतत अभियान जारी हे। इही कड़ी म वन विभाग के टीम ह 30 दिसंबर के रात्रि गश्त के दौरान प्राप्त सूचना के आधार म बिहनिया धमतरी वनमंडल के अंतर्गत 4 आरा मिल म दबिश दीन। 493 नग अर्जुन लट्ठा अऊ 6 हजार 717 नग अर्जुन लकड़ी के चिरान जब्त करे गीस। आरोपी मन के खिलाफ कड़ा कार्रवाई करे जावत हे। वन विभाग के टीम ह जब्त करे गए लकड़ी के मूल्य लगभग 6 लाख रुपिया आंके हे।
प्रधान मुख्य वन संरक्षक राकेश चतुर्वेदी के मार्गदर्शन म मुख्य वन संरक्षक जे.आर. नायक के निर्देशानुसार वनमंडलाधिकारी धमतरी सतोविसा समाजदार के नेतृत्व म टीम ह दबिश दीन। ग्राम रींवागहन, कोसमर्रा अऊ कचना म संचालित 4 अलग-अलग आरा मिल म आकस्मिक दबिश देहे गीस। वन परिक्षेत्र धमतरी के ग्राम रींवागहन म चेतनराम साहू के आरा मिल म छापामार कार्रवाई के दौरान 38 नग अर्जुन लट्ठा अऊ एक हजार 278 नग अर्जुन लकड़ी के चिरान के जब्ती करे गीस। इही तरह तहसील कुरूद के अंतर्गत ग्राम कोसमर्रा म महेश कुमार साहू के डाहर ले संचालित आरा मिल म 359 नग अर्जुन लट्ठा अऊ एक हजार 24 नग अर्जुन के चिरान व वेदप्रकाश साहू के आरा मिल म 20 नग अर्जुन लट्ठा अऊ 50 नग अर्जुन के चिरान जब्त करे गीस। एखर अलावा तहसील कुरूद के अंतर्गत ही ग्राम कचना म पूजा शुक्ला पति अनिल शुक्ला के डाहर ले संचालित आरा मिल म 76 नग अर्जुन लट्ठा अऊ 4 हजार 365 नग अर्जुन चिरान के जब्ती के कार्रवाई करे गीस।
