वन विभाग के बड़का कार्रवाई: 50 हजार रुपिया ले जादा मूल्य के बीजा लट्ठा अऊ चिरान के संग एक आरोपी गिरफ्तार

बिलासपुर, 29 अक्टूबर 2020। राज्य के वन मंडल बिलासपुर के अंतर्गत परिवृत सीपत के ग्राम पोड़ी म बुधवार के वन विभाग द्वारा छापामार कार्रवाई के दौरान 50 हजार रूपए ले जादा राशि के बीजा लट्ठा, चिरान अऊ इलेक्ट्रॉनिक रमदा मशीन जप्त करे गिस। एमा 2 नग बीजा लट्ठा, 2 नग बीजा लकड़ी के सिलपट, 38 नग बीजा लकड़ी के चिरान, 2 नग इलेक्ट्रॉनिक रमदा अऊ झिर्री मशीन शामिल हे। प्रधान मुख्य वन संरक्षक राकेश चतुर्वेदी के मार्गदर्शन म वन मंडलाधिकरी कुमार निशांत के निर्देशानुसार गठित विभागीय टीम द्वारा डिपरापारा-पोड़ी म सुमन प्रकाश शेष पिता ग्रंथदास जाति-सूर्यवंशी के घर म बुधवार के अचानक दबिश दे के आवश्यक कार्रवाई करे गिस। उक्त कार्रवाई म वन परिक्षेत्र अधिकारी बिलासपुर श्री ए.एस. नाथ, परिक्षेत्र सहायक सीपत अजय बैन समेत विभागीय अमला अऊ वन प्रबंधन समिति भरूवाडीह के सराहनीय योगदान रिहिस।