मुख्यमंत्री विष्णु देव साय के अगुवई म कुनकुरी ल मिलीस विकास के टानिक

सड़क, सिंचाई अऊ स्वास्थ्य सेवा के बड़का सौगात
जशपुर, छत्तीसगढ़ के मुख्यमंत्री विष्णु देव साय के अगुवई म राज्य म विकास के गति तेज होवत हे। वित्त विभाग ह जशपुर जिला के कुनकुरी विधानसभा क्षेत्र के कई महत्वपूर्ण परियोजना मनल प्रशासकीय स्वीकृति अऊ सैद्धांतिक सहमति देहे हे।
तुमला ले मेडर (ओडिशा सीमा) तक 12.80 किमी सड़क निर्माण काम खातिर ₹27.73 करोड़ के स्वीकृति देहे गए हे, जेखर से सीमावर्ती गांव मन के कनेक्टिविटी अऊ व्यापारिक गतिविधि मन मजबूत होही। उहें कांसाबेल विकासखंड म मैनी नदी म बगिया बैराज सह दाबयुक्त उद्वहन सिंचाई योजना खातिर ₹79.38 करोड़ स्वीकृत करे गए हे। ए योजना ले किसान मन ल स्थायी सिंचाई सुविधा मिलही अऊ कृषि उत्पादन म बढ़ोतरी होही।
कुनकुरी म नवा शासकीय चिकित्सा महाविद्यालय भवन बनाए खातिर ₹359 करोड़ के सैद्धांतिक सहमति देहे गए हे। एखर से आदिवासी अंचल के युवा मन ल चिकित्सा शिक्षा अऊ स्थानीय मनखे मन ल बेहतर स्वास्थ्य सेवा मिलही।
एखर संगेच फरसाबहार विकासखंड के कोकिया व्यपवर्तन योजना ल ₹16.17 करोड़ के स्वीकृति मिले हे, जेखर से जल प्रबंधन अऊ सिंचाई व्यवस्था ल दीर्घकालिक लाभ मिलही। ये निर्णय मुख्यमंत्री विष्णु देव साय के जनहित अऊ पूर्ण विकास खातिर प्रतिबद्धता ल दर्शाथे।