मेकाहारा के डॉक्टर ऊपर दुष्कर्म के केस दर्ज, बिहाव के झांसा दे के शारीरिक शोषण के आरोप

रायपुर, 27 जून 2020। मेकाहारा म पदस्थ एमबीबीएस पीजी डॉक्टर दीपांकर साहु के खिलाफ दुष्कर्म के केस दर्ज होय हे. एफआईआर डीडी नगर थाना म दर्ज होइस. डॉ. दीपांकर के ऊपर आरोप हे कि वो बिहाव के झांसा दे के दो साल तक एक युवती के शारीरिक शोषण करे हे. डीडीनगर थाना प्रभारी योगिता खापर्डे के अनुसार अंबिकापुर निवासी एक आयुर्वेदिक महिला डॉक्टर ह रिपोर्ट दर्ज कराये हे. कि मेकाहारा म पदस्थ दीपांकर साहू ह दुष्कर्म करे हे. महिला डॉक्टर के कहना हे कि डॉ. दीपांकर ह बिहाव के झांसा दे के 2 साल तक ओखर शारीरिक शोषण करे हे. पीड़िता के रिपोर्ट म बलात्कार के केस दर्ज करके जांच करे जावत हे. फिलहाल आरोपी दीपांकर साहू निमोरा सेंटर म क्वारेंटाइन हे. वो घलो अंबिकापुर इलाका म वाड्रफनगर के रहने वाला हे.