रायपुर, 7 मार्च 2020। राज्य शासन के स्वास्थ्य विभाग ले सब्बो विभाग के सचिव अउ जिला कलेक्टर मन ला कोरोना वायरस के फैलाव ल रोके के तरीका के बारे म मनसे मन ल जागरूक करे बर कहे गे हे. स्वास्थ्य विभाग के सचिव निहारिका बारिक सिंह हं सब्बो विभागीय सचिव अउ कलेक्टर ल पत्र लिखके ये संबंध म एजवाइजरी जारी करे हावय. ओमन के द्वारा सब्बो मनखे ल जागरूक करे बर सब्बो विभाग अउ जिला ल आवश्यक कदम उठाय बर कहे गे हे. स्वास्थ्य सचिव महोदया ह कोरोना वायरस संक्रमण के बारे म केन्द्र सरकार के दिशा-निर्देश के जानकारी देत कहिन् कि छत्तीसगढ़ म घलो एखर रोकथाम अउ नियंत्रण के लिये व्यापक कदम उठाए जावत हे।
स्वास्थ्य विभाग ह जम्मो शैक्षणिक संस्थान म छात्र-छात्रा मन ल वायरस संक्रमण से बचाव के तरीक के जानकारी दे बर कहे हे. ओमन ल सही ढंग से हाथ धोय अउ खांसत-छींकत समय जरूरी सावधानि जैसन रूमाल, टिशु पेपर, महीन कागज या कपड़ा रखे के बारे म बताय बर कहे गय हे. बीमार होय ले स्कूल नई जाय अउ सार्वजनिक कार्यक्रम म घलो शामिल नई होय से संक्रमण रोकही या कम करे ले फ्लू जैसन दूसर संक्रामक बीमारि के रोकथाम में भी मदद मिलही. बच्च -युवामन ल येन तरीका के बारे म पता रहे से ओमन अपन परिवार, पड़ोस अउ समाज,समुदाय ल घलो जागरूक कर सकत हें.
स्वास्थ्य सचिव ह सभी विभाग अउ कलेक्टर से राष्ट्रीय आपदा प्रबंधन प्राधिकरण अउ केन्द्रीय स्वास्थ्य एवं परिवार कल्याण मंत्रालय के दिशा-निर्देशानुसार बड़ संख्या म जनसाधारण के मौजूदगी वाले कार्यक्रम या जन-समारोह ल यथासंभव स्थगित रखे के आग्रह करे हावय. ओमन कोरोना वायरस संक्रमण के संभावना ल कम से कम करे आयोजन के नई तिथि नोवेल कोरोना वायरस संक्रमण फैले के स्थिति के मूल्यांकन करे के बाद तय करे बर कहे हें.
गुरतुर गोठ बर मुंगेली ले दिलीप बसंत