मुख्यमंत्री ले पाटन क्षेत्र के पंचायत प्रतिनिधि मन ह करिन मुलाकात
रायपुर, 04 जून 2020। मुख्यमंत्री श्री भूपेश बघेल ले काली ऊंखर निवास कार्यालय म पाटन क्षेत्र के पंचायत प्रतिनिधि मन ह मुलाकात करिन अऊ किसान मन के बेहतरी बर शुरू करे गए राजीव गांधी किसान न्याय योजना बर मुख्यमंत्री के आभार जताइन। ये बेरा म मुख्यमंत्री श्री भूपेश बघेल ह पंचायत प्रतिनिधि मन के आह्वान करिन के ओ मन गांव के पूरा विकास अऊ गांव वाले मन के जीवन स्तर ल बेहतर बनाए बर काम करयं। मुख्यमंत्री ह कहिन के गांव अऊ गांव वाले मन के बेहतरी बर प्रदेश सरकार कोति ले सुराजी गांव योजना शुरू करे गए हे। एकर उद्देश्य गांव मन म खुशहाली लाना अऊ गांव वाले मन ल स्वावलंबी बनाना हे। उमन कहिन के गांव मन म बनत गौठान गांव के संपत्ति ये। एकर बेहतरी अऊ एखर संचालन के पूरा जिम्मेदारी गांव वाले मन के हे।