किसान मालाकार ह मुख्यमंत्री के राजीव गांधी किसान न्याय योजना बर व्यक्त करिस आभार

रायगढ़, मुख्यमंत्री श्री बघेल ह जब भेुंट मुलाकात के बेरा म राजीव गांधी किसान न्याय योजना के जानकारी लीन त किसान मालाकार ह बताइस कि वोखर तीर 7 एकड़ जमीन हे जेन म ओ ह धान के खेती करत हे। ओ ल ये साल योजना के दुनों किश्त ले 18 हजार रूपिया के लाभ होय हे। मुख्यमंत्री श्री बघेल के पूछे म मालाकार ह बताइस कि योजना ले मिले राशि ले वो ह अपन खेत म बोर के खुदाई करवाए हे। जेखर से ओ ल अब बारा मास साग भाजी के खेती करे म आसानी होवत हे। वो ह मुख्यमंत्री ल बताइस कि ओ ह करीबन 2.5 एकड़ म उद्यानिकी विभाग के मदद ले मल्चिंग पद्धति अपनाके करेला के खेती करत हे। मुख्यमंत्री ह श्री मालाकार ले चुटकी लेत कहिन कि अतना लाभ होए हे त आप मन बहु बर का लेहेव। ये म मालाकार ह बताइस कि ओ ह अपन बेटा के बिहाव बर पइसा जमा करत हे।