मलेरिया अऊ कुपोषण मुक्ति बर सार्थक पहल करे उपर बल

दंतेवाड़ा, 18 मार्च 2020। मुख्यमंत्री श्री भूपेश बघेल के सोंच के मुताबिक गरीबी उन्मूलन अभियान बर कारगर कार्ययोजना तियार करके ओला बेहतर ढंग ले क्रियान्वयन सुनिश्चित करव। अउ एखरे संग मलेरिया अऊ कुपोषण मुक्ति बर सार्थक पहल करव। ये हुकुम मुख्य सचिव श्री आरपी मण्डल ह दन्तेवाड़ा कलेक्टोरेट के डंकिनी सभागार म दन्तेवाड़ा अउ बीजापुर जिला के जिला स्तरीय अधिकारी मन के बैठक म दीन। बैठक म लोक निर्माण अऊ महिला अउ बाल विकास विभाग के सचिव श्री सिदार्थ कोमल परदेशी, संस्कृति विभाग के सचिव श्री पी अनबलगन, प्रधान मुख्य वन संरक्षक श्री राकेश चतुर्वेदी, प्रबन्ध संचालक राज्य लघु वनोपज संघ श्री संजय शुक्ला, कमिश्नर बस्तर संभाग श्री अमृत कुमार खलखो, मुख्य वन संरक्षक जगदलपुर वृत्त श्री मोहम्मद शाहिद संग दन्तेवाड़ा अउ बीजापुर जिला के कलेक्टर, पुलिस अधीक्षक, डीएफओ, सीईओ जिला पंचायत अऊ कई ठन विभाग मन के जिला स्तरीय अधिकारी मौजूद रहिन।