धरमजयगढ़, 23 सितंबर 2020। करंट के चपेट म आये ले एक नर हाथी के मउत होगे. घटना बीते रात धरमजयगढ़ रेंज के मेंढरमार गांव के हे. ग्रामीण मन के सूचना के बाद वन अमला मउका म पहुंच गे हे. मिले जानकारी के अनुसार, बोर पंप बर खेत म तार खींचे गे रिहिस. मंगलवार के रात फसल ल नुकसान पहुंचाये बर हाथी पहुंचगे. रात के अंधेरा के चलत तार ल देख नई पाइस अउ चपेट म आगे. जेखर ले मउका म ही ओखर मउत होगे.
रेंजर टीपी वस्त्रकार ह बताइस कि नर हाथी बीते रात मेढ़रमार गांव म कहीं ले विचरण करत हुए आगे अउ खेत म बोर पम्प बर लगाए गे करंट के चपेट म आगे, जेखर ले ओखर मउत होगे. आगु के कार्रवाई करे जावत हे. उहें खेत मालिक बाबू वर्मा अउ सुधु राम उरांव उपर वन प्राणी अधिनियम के तहत कार्रवाई करे जाही.
