मलखम्ब साधक ल तन अऊ मन ले स्वस्थ रखथे: मुख्यमंत्री श्री भूपेश बघेल

मुख्यमंत्री ह बालोद म नवा बने इंडोर स्टेडियम के करिन शुभारंभ
मुख्यमंत्री ह मलखम्ब म जिम्नास्ट अऊ योग के साधक मन के सराहना करिन
बालोद, मुख्यमंत्री श्री भूपेश बघेल ह आज बालोद म नवा बने इंडोर स्टेडियम के शुभारंभ करिन अऊ खिलाड़ि मन ल शुभकामना दीन। मुख्यमंत्री ह इंडोर स्टेडियम पहुँचके मलखम्ब म जिमनास्ट अऊ योग करत भाग लेवईया मन के कलाकृति अऊ अभ्यास ल देखके ऊंखर हौसला के सराहना करिन। मुख्यमंत्री ह कहिन कि ये भारत के प्राचीन विधा हे। मलखम्ब ले साधक मजबूत अऊ तंदुरुस्त बने के संगेच तन अऊ मन ले स्वस्थ होथे। उमन इहां प्रशिक्षण लेवत भाग लेवईया मन ल अपन आशीर्वाद अऊ शुभकामना देवत नियमित अभ्यास करे बर प्रेरित करिन। उमन प्रशिक्षक मन ल जिमनास्ट अऊ योग के बारीकी मन ले अवगत कराए अऊ एला बढ़ावा देहे के सुझाव दीन।