रायपुर, राज्य सरकार कोति ले आंगनबाड़ी कार्यकर्ता मन के मानदेय म 1500 रूपिया, मिनी आंगनबाड़ी कार्यकर्ता मन के मानदेय म 1250 रूपिया अऊ आंगनबाड़ी सहायिका मन के मानदेय म 750 रूपिया के बढ़ोत्तरी होए म बालोद जिला के बालोद विकासखण्ड के ग्राम खेरथाडीह के आंगनबाड़ी केन्द्र क्रमांक-दू के आंगनबाड़ी कार्यकर्ता श्रीमती चमन नेताम ह मानदेय म बढ़ोतरी म अपन प्रसन्नता जाहिर करिन।
उमन बताइन कि छत्तीसगढ़ के सरकार ह हमर चिंता करके मानदेय बढ़ाए हे, एखर से हमर उत्साह बाढ़े हे। उमन कहिन कि शासन ले जऊन मानदेय मिलत रहिस, उही हमर घर परिवार चलाय के मुख्य सहारा हे। काबर कि ओखर मात्र पचास डिसमिल कृषि जमीन हे। पति कृषि काम के संग मजदूरी करथे। एक लड़का अऊ एक लड़की हे, ओ ह स्कूल म पढ़त हे अब ओ ल बने सहिन पढ़ाही। आंगनबाड़ी सहायिका श्रीमती बसंती नेताम ह घलोक खुशी व्यक्त करत कहिन कि मानदेय बाढ़े ले बहुत हद तक उंखर आर्थिक समस्या मन के समाधान होय हे। अब उंखर दिनचर्या के आन जरूरत मन घलोक पूरा हो सकही।