मनेन्द्रगढ़-चिरमिरी-भरतपुर, जिला के कलेक्टर श्री पी.एस. ध्रुव ह आज अपन भ्रमण के समय लकरापारा गौठान के निरीक्षण करिन अऊ उहां के गतिविधियां देखिन। कलेक्टर ह गौठान ले जुड़े महिला स्व-सहायता समूह के महिला मन ले उंखर आयमूलक गतिविधि मन के बारे म विस्तार ले जानकारी लीन। ये बेरा म उमन समूह कोति ले करे जात सामुदायिक सब्जी के खेती के घलोक मुआयना करिन। कलेक्टर ह सामुदायिक बाड़ी बर उपलब्ध बाचे जमीन के ट्रैक्टर ले जुताई कराके बाड़ी के विस्तार करे अऊ एखर से बेहतर मुनाफा कमाए बर प्रोत्साहित करिन।
महिला समूह के महिला मन ह बताइस कि ऊंखर कोति ले अब तक 100 क्विंटल वर्मी कम्पोस्ट के उत्पादन करे हे, जेकर पइसा घलोक ओ मन ल मिल गए हे। अभी 80 क्विंटल वर्मी कम्पोस्ट बेंचाए बर तियार हे। समूह के महिला मन ह सब्जी के सामूहिक खेती के बारे म जानकारी दीन, जेखर कलेक्टर ह मौका म जाके मुआयना करिस। कलेक्टर ह बाड़ी बर आरक्षित जमीन के थोकन हिस्सा म होवत सब्जी के खेती ल अऊ बढ़ाए बर बांचे जमीन के उपयोग करे के समझाईश दीन।
मनेन्द्रगढ़-चिरमिरी-भरतपुर: कलेक्टर ह लकरापारा गौठान के करिस मुआयना
