मनेन्द्रगढ़-चिरमिरी-भरतपुर : मुर्गीपालन करके आर्थिक उन्नति के रद्दा म हे ग्राम पिपरिया के रोशनी समूह के महिला मन

मनेन्द्रगढ़-चिरमिरी-भरतपुर, छत्तीसगढ़ राज्य ग्रामीण आजीविका मिशन के तहत ग्रामीण क्षेत्र मन मे महिला अउ युवती मन ल स्व सहायता समूह के रूप मे गठित करके ओ मन ल स्वरोजगार ले जोड़े जात हे, आर्थिक गतिविधि मन म लगे महिला मन स्वावलम्बन के दिशा म आगू बढ़के समाज म नवा पहिचान बनावत हें।
बिहान ले जुडके समूह के महिला मन सफलता के नवा कहानी लिखत हें। ए महिला मन ल सशक्त अऊ आत्मनिर्भर बनाए बर हर संभव प्रयास करे जात हे जेखर सफल परिणाम घलोक आगू आवत हे। मनेन्द्रगढ़-चिरमिरी-भरतपुर जिला के विकासखंड मनेन्द्रगढ के ग्राम पिपरिया म रोशनी स्व सहायता समूह म गांव के 11 महिला जुड़े हें। समूह के अध्यक्ष इन्जोनिया के बतातीं बिहान ले जुड़े के पहिली किसानी च ह एकमात्र हमार आजीविका के साधन रहिस, योजना ले जुडे के बाद हमन मुर्गी पालन करे के काम सुरू करेन, जेखर से हमला अपन खातिर आजीविका के एक नवा माध्यम मिलिस।