मुख्यमंत्री कन्या विवाह योजना के अंतरगत नवविवाहित जोड़ी मन म मिलिस उपहार
मनेन्द्रगढ़-चिरमिरी-भरतपुर, नेहा राठौर के खबर/ जिला मुख्यालय म जिला प्रशासन अउ महिला-बाल विकास विभाग मन दूनों मिल के 01 अप्रैल के आयोजित एक बड़का भव्य सामूहिक विवाह कारिकरम म 135 ठ जोड़ी के बिहाव करवाईस।
मुख्यमंत्री कन्या विवाह योजना के अंतरगत विवाहित जोड़ा मन ल स्थानीय जनप्रतिनिधि, गणमान्य नागरिक, जिला प्रशासन के अधिकारी मन सुखी जीवन के सुभकामना के संग अपन कती ले भेंट के रूप म उपाहार घलो दिस हे। समूहिक विवाह म जिला के भरतपुर विकासखंड के 48 जोड़ी, खडगवां विकासखंड के 46 जोड़ी अउ मनेंद्रगढ़ के 41 जोड़ी के बिहाव ओमन के रीति-रिवाज ले कराए गईस हे।
नवविवाहित बर-बधू मन ल असीस देहे ब मुख्यमंत्री कन्या सामूहिक विवाह कारिकरम म भरतपुर सोनहत विधानसभा के विधायक अउ सरगुजा विकास प्राधिकरण के उपाध्यक्ष श्री गुलाब कमरों, मनेंद्रगढ़ विधानसभा के विधायक डॉ. विनय जयसवाल, नगर पालिका मनेंद्रगढ़ के नगर पालिका अध्यक्ष श्रीमती प्रभा पटेल, जनपद अध्यक्ष डॉ. विनय शंकर सिंह, उपाध्यक्ष श्री राजेश साहू, नगरपालिका मनेंद्रगढ़ के उपाध्यक्ष श्री कृष्ण मुरारी तिवारी, पार्षदगण नगर पंचायत झगराखंड के अध्यक्ष श्री रजनीश पांडेय, जिला के पुलिस अधीक्षक श्री टी.आर. कोसिमा, वन मंडल अधिकारी वन मंडल मनेंद्रगढ़ श्री पटेल, अनुविभागीय अधिकारी राजस्व मनेंद्रगढ़ श्री अभिषेक कुमार, तहसीलदार मनेंद्रगढ़ श्री अशोक सिंह अउ अलग अलग विभाग के विभागीय अधिकारी अउ करमचारी मन उपस्थित रहिस हे।
अलग अलग समाजसेवी मन नवा जोड़ा मन ल भेंट म कपड़ा, चद्दर, कंबल अउ गहना गुंठा दिस हे। एसईसीएल हसदेव एरिया, चिरमिरी एरिया के महिला मंडल समिति मन पंखा भेंट करिस त नगर मनेंद्रगढ़ के बाम्बे कलेक्शन के द्वारा नवा वधु मन ल साड़ी, बेडशीट भेंट करे गईस। इही सब के बीच कलेक्टर श्री पी.एस. धु्रव ह नवविवाहित मन ल शासन के योजना के अंयरगत स्वीकृत राशि
के चेक भेंट करिस।
