एमसीबी, 26 जुलाई 2024। प्रधानमंत्री श्री नरेन्द्र मोदी ह विश्व पर्यावरण दिवस के अवसर म एक पेड़ मां के नाम अभियान के शुभारंभ करे रहिन। ए अभियान के तहत श्री मोदी ह दिल्ली के बुद्ध जयंती पार्क म एक पीपल के पेड़ लगाए रहिन अऊ उमन सबो देशवासी मन ले ए पृथ्वी ल बेहतर बनाए म योगदान देहे के अनुरोध करे रहिन अऊ कहे रहिन के पाछू दशक म भारत ह कई सामूहिक प्रयास करे हे, जेकर कोति ले पूरा देश के वन क्षेत्र म बढ़ोतरी होए हे। श्री मोदी ह कहिन कि आज विश्व पर्यावरण दिवस म मोला एक पेड़ माँ के नाम अभियान शुरू करे म बहुत प्रसन्नता होवत हे। मैं देशवासी मन के संग ही दुनिया भर के मनखे मन ले आग्रह करत हंव के ओ मन अवइया समय म अपन मां ल श्रद्धांजलि अर्पित करे के रूप म एक पेड़ जरूर लगावंय।
इही कड़ी म पाछू दिनन म जिला मनेंद्रगढ़-चिरमिरी-भरतपुर के विकासखंड भरतपुर के ग्राम पंचायत अक्तवार म 5 ग्राम पंचायत अक्तवार, भगवानपुर, च्यूल, खोहरा, अऊ कूदरा ल संघरा के जिला स्तरीय जन समस्या निवारण शिविर के आयोजन करे गीस। ए बेरा म स्कूल ग्राउंड अक्तवार म जन समस्या निवारण शिविर म जनप्रतिनिधि, जिला अधिकारी अउ कर्मचारी मन के संग एक पेड़ माँ के नाम म फलदार अउ छायादार पौधा मन के रोपण करे गीस अऊ पौधा मन के रक्षा करे के संकल्प घलोक ले गीस। जनपद पंचायत अध्यक्ष श्रीमती राजकुमारी बैगा ह मुनगा के पौधा, कलेक्टर डी. राहुल वेंकट ह जामुन के पौधा, जनपद पंचायत उपाध्यक्ष श्री दुर्गा शंकर मिश्र ह जाम के पौधा, अक्तवार सरपंच श्री अशोक कुमार बैगा ह जाम के पौधा, डीआरडी, नितेश कुमार उपाध्याय ह आम के पौधा, अनिल कुमार अग्निहोत्री मुख्य कार्यपालन अधिकारी ह आम के पौधा, श्री मनीष कश्यप डीएफओ ह अमरूद के पौधा, श्री चंद्रमोहन सिंह पुलिस अधीक्षक ह आम के पौधा, अऊ श्री मानहरण सिंह राठिया तहसीलदार भरतपुर ह जामुन के पौधा लगाइस। ए बेरा म जन समस्या निवारण शिविर म आए गांव वाले मन ल घलोक वन विभाग कोति ले कई प्रकार के फलदार अउ छायादार पौधा मन के निःशुल्क वितरण घलोक करे गीस।
