मनेंद्रगढ़ : वर्मी कम्पोस्ट बेच के इन्द कुँवर ह बेटी मन ब खोलवाइस सुकन्या समृद्धि खाता

लईका मन के पढ़ई म खरचा के संग हर महीना 1-1 हज़ार बचत
मनेंद्रगढ़, 23 जुलाई 2023
मुख्यमंत्री श्री भूपेश बघेल के दूरदर्शी सोच के ए नतीजा हे कि पशुपालक अउ भूमिहीन ग्रामीण मन के जीवन म महज 3 बछर म बडे़ बदलाव देखे ल मिलत हे। गोधन न्याय योजना ले समूह के महिला मन के आर्थिक स्थिति मजबूत होए के संग म उकर आय के अवसर म घलो बढ़ोतरी होवत हे। 
खड़गवां विकासखंड के अन्तर्गत ग्राम पंचायत कटकोना म राधाकृष्ण स्व-सहायता समूह के महिला मन गोठान म गोबर ख़रीदी अउ वर्मी कंपोस्ट निर्माण के काम करत हे। उमन ह अभी तक लगभग 3 लाख 35 हजार रुपिया के वर्मी कंपोस्ट के बेचरी करा डारे हे। समूह म काम करोइया माझापारा कटकोना निवासी श्रीमती इन्द कुँवर ह वर्मी कंपोस्ट बेच के मिले लाभांश राशि ले दूनों बेटी सीमा अउ मीना के नाम ले सुकन्या समृद्धि योजना के तहत खाता खोलवाइस हे। ओ ह लईका मन के उच्च शिक्षा  ब ए खाता म हर महीना 1-1 हज़ार रुपिया जमा करथे। एकर संग ही ओ ह लईका मन के पढ़ई लिखई अउ स्कूल के जम्मो खरचा घलो चलाथे। ओ ह गोठान योजना ल लाए अउ स्व-रोज़गार उपलब्ध कराए ब प्रदेश के मुख्यमंत्री श्री भूपेश बघेल ल धन्यवाद ज्ञापित करिस हे। 
Success story
Neha Rathore