बलौदाबाजार, बलौदाबाजार म नगरपालिका परिषद कोति ले 3 मणि कंचन केंद्र संचालित करे जात हे। तीनों मणि कंचन केंद्र म 58 महिला मन कई प्रकार के काम करके हर महिना 6 हजार रूपिया के आय प्राप्त करत हें। ये महिला मन कई ठन स्व सहायता समूह ले जुड़े हें। इमन गोबर के लकड़ी, गोबर के दीया अऊ गोबर के खाद बनाए के काम करत हें।
बलौदाबाजार नगर के वार्ड नंबर 10 म स्थित मणि कंचन केंद्र के सुपरवाइजर सुनीता साहू ह बताइस कि मणिकांचन केंद्र खोले के बाद महिला मन बर रोजगार के एक नवा जरिया बन गए हे । ये काम शुरू होए के बाद हम सबो महिला मन म एक नवा हौसला जागृत होय हे अऊ आत्मविश्वास आए हे। महिला मन के कहना हे कि ये काम के शुरू होए ले कम से कम ऊंखर परिवार के लइका मन के पालन पोषण अऊ शिक्षा के काम आसानी ले होवत हे। एखर पहिली उमन आर्थिक तंगी ले गुजर करत बहुत लाचार अऊ बेबस महसूस करत रहिन।
मणि कंचन केंद्र ले मिलीस 58 महिला मन ल रोजगार, हर महीना 6 हजार रूपिया कमावत हें महिला मन
