गौठान निर्माण काम मन म ग्रामीण महिला मन के विशेष योगदान
उत्तर बस्तर कांकेर, छत्तीसगढ़ शासन के महत्वकांक्षी योजना नरवा, गरूवा, घुरवा अऊ बाड़ी योजना अंतर्गत गरूवा कार्यक्रम के तहत कांकेर जिला के विकासखण्ड नरहरपुर के ग्राम मानिकपुर म मॉडल गौठान के निर्माण करे गए हे। गौठान के निर्माण 3.5 एकड़ म करे गए हे, जेमां ले 3 एकड़ जमीन म चारागाह के विकास करे जात हे। ग्राम म कुल मवेशी मन के संख्या 284 हे। चारागाह म मवेशी मन के व्यवस्था बर बोर खनन कराये गए हे। एखर ले अकतहा पानी के व्यवस्था बर तालाब घलोक बनाय गए हे, जऊन चारागाह ले लगे हे। गौठान के चारों कोति सी.पी.टी. अऊ जमीन समतलीकरण के काम मनरेगा के माध्यम ले करे जात हे, जेखर से गांव वाले मन ल रोजगार घलोक मिलत हे। गौठान निर्माण के कार्य म ग्रामीण महिला मन के विशेष योगदान हे। महिला स्व-सहायता समूह के महिला मन घुरवा अंतर्गत खाद, इलेक्ट्रिल पोल, चारा निर्माण काम म लगे हें, जेखर से ओ मन ल आय के प्राप्ति घलोक होवत हे। चारागाह म 3 एकड़ जमीन म नेपियर घास लगाइए गए हे। गौठान म ग्राम के जम्मो पशु मन ल सकेल के पशुधन विकास विभाग कोति ले टीकाकरण, उपचार, दवा वितरण कृमिनाशक दवापान, कृत्रिम गर्भाधान के काम करे जात हे।
पशु चिकित्सा सेवा के उप संचालक ह बताइस कि शासन के ए महत्वाकांक्षी योजना ले मॉडल गौठान म हरियर चारा पानी के व्यवस्था करे गए हे। एके जगह म पूरा मवेशी मन के रखे म गोबर खाद के उपलब्धता जादा मात्रा म होही। जिंकर घर म पशु रखे बर जगा नइ हे, अब ऊंखर पशु आवारा नइ घूमय, एखर बर काफी सुविधा होगी। खेत के नुकसान तको नइ होही अउ अउर सड़क म उंखर नइ बइठे ले दुर्घटना म कमी आही। गोबर, खाद, जैविक खाद के उपयोगिता ले रासायनिक खाद के खरीदी कम होही, ये ह गांव वाले मन के आर्थिक मदद म सहायक होगी। गौमूत्र ले कीटनाशक बनाए म बाजार म कीटनाशक खरीदी कम होही अउ पइसा के बचत होही। किसान मन के पूरा विकास अउ ग्रामीण अर्थव्यवस्था ल सुदृढ़ बनाए के उद्देश्य ले ये काम चालू करे गए हे जेखर से ग्राम के तस्वीर बदलही।
