रायपुर, 27 जून 2024। धरसींवा निवासी मनीराम देवांगन के चार महीना पहिली एक्सीडेंट होए रहिस। जेमें वोकर पांव काटना पर गए रहिस। मनीराम पाछू एक महीना ले दिव्यांग प्रमाण पत्र बर भटकत रहिस फेर वोखर आवेदन उपर कारवाई नइ हो सके रहिस। मुख्यमंत्री जनदर्शन के जानकारी होए म वो ह मुख्यमंत्री ले मिलके अपन समस्या रखे के बात सोचीस। मुख्यमंत्री ल वो ह ए संबंध म जानकारी दीस।मुख्यमंत्री ह मौका म ही अधिकारी मन ल वोखर दिव्यांग प्रमाण पत्र बनाए के निर्देश दीन। एक घंटा के भीतर मनीराम के हाथ म दिव्यांगता प्रमाण पत्र आ गे।
मनीराम ह खुशी जतात कहिस के दिव्यांग प्रमाण पत्र मिले के बाद वो शासन के दिव्यांगजन मन बर उपलब्ध योजना मन के लाभ उठा सकही। संगेच वो कृत्रिम पैर घलोक लगा पाही। जेखर चलते परिवार ल संभाले के महती जिम्मेदारी पूरा कर सकही। मनीराम ह कहिस के ओला लगे रहिस के मुख्यमंत्री श्री साय के पहल म कुछ दिन म ओखर प्रमाण पत्र बन जाही फेर ओला बिल्कुल भरोसा नइ रहिस के एक घंटा म प्रमाण पत्र मिल जाही।
मनीराम दिव्यांग प्रमाण पत्र बर आए रहिस, मुख्यमंत्री ले मिले एके घंटा म हाथ म आ गे दिव्यांग प्रमाण पत्र
