भारतीय साफ्ट बाल टीम म राज्य के तीन युवा करत हे प्रतिनिधित्व
अब मजदूर के लईका मन ह मजदूर नई रहे, ओहू मन ह छूना हे आसमानः मुख्यमंत्री श्री बघेल
श्रमिक हित म छत्तीसगढ़ सरकार सरलग करत हे काम
मनोज सिंह, सहायक संचालक
छत्तीसगढ़ के मुख्यमंत्री श्री भूपेश बघेल श्रमिक हित म सरलग काम करत हे। विगत चार बछर म छत्तीसगढ़ मे श्रमिक हित म मुख्यमंत्री ह अनेक योजना सुरू करे हे जेकर लाभ लेके अब श्रमिक के लइका मन घलो आसमान छूवत हे। अइसे ही श्रमिक परिवार के तीन होनहार सितारा छत्तीसगढ़ के झुग्गी झोपड़ी ले निकलके अब अंतर्राष्ट्रीय स्तर म अपन पहचान बनाय हे।
रायपुर के रहोइया निखिल नायक, बीरू बाग अउ किशन महानंद रायपुर के झुग्गि ले निकल के कनाडा अउ हांगकांग म अपन प्रतिभा के लोहा मनवात हे। ए तीनो मन ह पिछले चार बछर ले इंडियन साफ्ट बाल टीम के सदस्य हवय आउ अब अंतर्राष्ट्रीय स्तर म अपन जलवा बिखेरत हे। छत्तीसगढ़ ब खेलत हुए ए तीनों ह अब तक ले सात ठ गोल्ड मेडल हासिल करे हे।
छत्तीसगढ़ के नाम रोशन करे ब मुख्यमंत्री ह ए होनहार खिलाड़ि मन ल उत्कृष्ट खेल प्रोत्साहन योजना के अंतर्गत 50-50 हजार रूपिया के प्रोत्साहन राशि प्रदान करे हे अउ एमन के उज्ज्वल भविष्य के शुभकामना दीस हे।
