छत्तीसगढ़ के प्रस्ताव ल ग्रामीण विकास मंत्रालय के हरियर झंडा, मनरेगा श्रम बजट म दू करोड़़ मानव दिवस के बढ़ौतरी

रायपुर. 23 मार्च 2021 मंगलवार। केन्द्रीय ग्रामीण विकास मंत्रालय ह छत्तीसगढ़ म मनरेगा (महात्मा गांधी राष्ट्रीय ग्रामीण रोजगार गारंटी अधिनियम) के श्रम बजट म दू करोड़़ मानव दिवस के बढ़ौतरी करे बर अपन मंजूरी दे देहे हवय। राज्य सरकार के उदीम ल देखत केंन्द्र सरकार ह चालू वित्तीय बछर म दूसरइया पइत ये लक्ष्य ल बढ़ाए हावय। बछर 2020-2021 म मनरेगा के भीतर रोजगार सृजन के लक्ष्य 13 करोड़ 50 लाख मानव दिवस रिहिसे। मनरेगा के अतर्गत अब्बड़ काम काज अउ लक्ष्य के पूर्णता म लहुएपन ल देखत राजसरकार के प्रस्ताव म भारत सरकार ह पहिली पइत एमा डेढ़ करोड़ मानव दिवस के बढ़ौतरी करे रिहिने। मनरेगा के तहत सरलग प्रदेश के बने सुग्घर प्रदर्शन ल देखत राजसरकार के आग्रह म केन्द्रीय ग्रामीण विकास मंत्रालय ह एमा दू करोड़ मानव दिवस के अउ बढ़ौतरी करे हावय। अब चालू वित्तीय बछर म 17 करोड़ मानच दिवस होगे हवय।
मुख्यमंत्री दाऊ भूपेश बघेल ल कोरोना काल अउ मनरेगा म लक्ष्य पूर्ति के तेजी ल देखत केन्द्र सरकार ले श्रम बजट ल बढ़ाए के आग्रह करे रिहिने।