रायपुर, 27 नवम्बर 2020। छत्तीसगढ़ म मनरेगा (महात्मा गांधी राष्ट्रीय ग्रामीण रोजगार गारंटी योजना) के अंतर्गत चालू वित्तीय साल 2020-21 म अब तक एक लाख 21 हजार 740 परिवार ल 100 दिन ले जादा के रोजगार उपलब्ध कराए गए हे। सबले जादा परिवार ल 100 दिन के रोजगार मुहैया कराए के मामला म छत्तीसगढ़ देश म छठवां स्थान म हे। मुख्यमंत्री श्री भूपेश बघेल के नेतृत्व म मनरेगा के संगेच आन विभाग मन के योजना मन के अभिसरण ले ग्रामीण श्रमिक मन ल रोजगार देवाए के संगेच उंखर आजीविका के संवर्धन घलोक करे जात हे। मनरेगा के संग सीधा रोजगार देहे के संगेच उंखर आमदनी के स्थाई साधन मन ल अऊ मजबूत करे जात हे।
प्रदेश म मनरेगा श्रमिक मन ल 100 दिन ले जादा के रोजगार देहे म कबीरधाम जिला सबले आगू हे। उहां ये साल अब तक 8971 परिवार ल 100 दिन ले जादा के काम देहे गए हे। राजनांदगांव म 7780, बिलासपुर म 7088, धमतरी म 5802, रायपुर म 5506, बलौदाबाजार-भाटापारा म 5348, मुंगेली म 5142, सुकमा म 5012, जशपुर म 4918, सूरजपुर म 4754, कोरिया म 4729, बस्तर म 4345, रायगढ़ म 4172, महासमुंद म 4168 अऊ बलरामपुर-रामानुजगंज म 4158 परिवार ह योजना के तहत 100 दिन ले जादा काम करे हें। उहें गरियाबंद जिला म ये साल 3917, कोंडागांव म 3805, बीजापुर म 3791, कांकेर म 3697, दंतेवाड़ा म 3621, गौरेला-पेंड्रा-मरवाही म 3492, जांजगीर-चांपा म 3268, कोरबा म 3026, बालोद म 3000, बेमेतरा म 2449, सरगुजा म 2260, दुर्ग म 2181 अऊ नारायणपुर म 1340 परिवार ल 100 दिन ले जादा के रोजगार देहे गए हे।
मनरेगा के अंतर्गत वन अधिकार पट्टाधारी परिवार ल घलोक काम देहे जात हे। प्रदेश के अइसन 19 हजार 799 परिवार ल 100 दिन ले जादा के रोजगार मुहैया कराया जा चुके हे। कोंडागांव जिला म 2286, बस्तर म 1417, सुकमा म 1371, धमतरी म 1359, दंतेवाड़ा म 1308, कोरबा म 1176, सूरजपुर म 1026, बीजापुर म 1008, राजनांदगांव म 959, गरियाबंद म 931, कांकेर म 912, गौरेला-पेंड्रा-मरवाही अऊ कबीरधाम म 878-878, बलरामपुर-रामानुजगंज म 822, कोरिया म 705, जशपुर म 569, सरगुजा म 558, नारायणपुर म 400, बिलासपुर म 327, रायगढ़ म 237, मुंगेली म 222, महासमुंद म 207, बालोद म 123 अऊ बलौदाबाजार-भाटापारा म 105 वन अधिकार पट्टाधारी परिवार ल 100 दिन ले जादा के रोजगार देहे गए हे।
मनरेगा : छत्तीसगढ़ म 1.22 लाख परिवार ल 100 दिन ले जादा के रोजगार
