- 64 हजार से जादा बुता करैया मजदुर मनखे पावत हें रोजगार
मुंगेली, 21 अप्रैल 2020। लॉकडाउन के बेरा म मुंगेली जिला म कुछ समय बर बंद महात्मा गांधी राष्ट्रीय रोजगार गारंटी योजना के काम फेर चालू करे गे हे। ये योजना म काम सुरु होय ले जरूरतमंद लोगन मन रोजगार के चिंता से मुक्त हो गे हावयं। योजना म 145 करोड़ रूपया के 6500 काम स्वीकृत करे गे हे। जेमा जल संरक्षण अउ सवर्धन बर नवा तरिया बनाय बर, तरिया अउ नरवा जीणोद्धार, काम के अलावा नल्ली बनाय के, शेड़ बनाय के काम शामिल हे। जेन बुता म जिला के 64 हजार 839 मेहनतकश मनखे जुड़के रोजगार पावत हें। लोरमी विकास खण्ड के 26 हजार 244, विकास खण्ड मुगेली के 20 हजार 668 अउ विकास खण्ड पथरिया के 17 हजार 927 बुता करैया मनखे शामिल हे।
जिला पंचायत के मुख्य कार्य पालन अधिकारी सुश्री नुपूर राशि पन्ना ह बताइन कि लॉकडाउन के बीच म महात्मा गांधी रोजगार गारंटी योजना म बड़ संख्या म लोगन मन ल रोजगार देबर कलेक्टर डॉ. सर्वेश्वर नरेंद्र भुरे जी के निर्देश म माकुल व्यवस्था करे गे हे। जरूरतमंद लोगन के मांग म तत्काल 65 हजार विकास अउ निर्माण काम स्वीकृत करे गे हे। ओमन बताइन कि जिला म रोजगार के कमी नई होवन देय जहि। काम के दउरान सोशल डिस्टेसिंग अउ साफ सफाई के विशेष ध्यान रखे जात हावय।
मुगेली ले गुरतुर गोठ बर दिलीप बसंत