मनरेगा म गर्भवती महिला मन ल मिलत हे मातृत्व भत्ता के लाभ

गरियाबंद 04 अगस्त 2023। महात्मा गांधी नरेगा योजनांतर्गत पंजीकृत परिवार मन ल रोजगार देवाए के उद्देश्य ले जिला में विभिन्न निर्माण काम कराय जाथ हे। एकर संग ही संग महिला सशक्तिकरण के दिशा म घलो काम करते हुए महिला मन ल मनरेगा के अंतर्गत समान रोजगार के अवसर अउ लाभ प्रदान करे जाथ हे। एकर अलावा गर्भवती महिला मन ल मातृत्व भत्ता के लाभ प्रदान करे जाथ हे। वित्तीय वर्ष में मनरेगा अंतर्गत 50 दिवस के रोजगार पाये वाली गर्भवती महिला मन ल भत्ता के रूप में एक महीना के मजदूरी के बराबर राशि दीए जाथ हे। ए तारतम्य में फिंगेश्वर विकासखण्ड के ग्राम पंचायत बारूला के महिला श्रमिक श्रीमती पद्मावती निर्मलकर ल मातृत्व भत्ता के लाभ मिले हे। ओ ह बताइस कि मनरेगा के माध्यम ले नाला सफई, मिशन तालाओ गहरीकरण, मेड बंधान काम, नाली मरम्मत काम मे 50 दिन ले बुता करे म एक महीना के राशि 6120 रूपिया मिलिस। जेकर से मैं अबड़ खुस हव। ए पईसा ह मोर अउ मोर लइका के खानपान अउ स्वास्थ्य ब उपयोग करत हव। मातृत्व भत्ता मिले ले मोला आर्थिक सहयोग मिलिस हे जेकर ब मैं सहृदय धन्यवाद देवत हव, अउ दूसर महिला मन ल घलो ए योजना ले मिलत लाभ के प्रति जागरूक करत हव।