रायपुर, छत्तीसगढ़ म मनरेगा (महात्मा गांधी राष्ट्रीय ग्रामीण रोजगार गारंटी अधिनियम) काम मन म ‘आधी आबादी’ यानि महिला मन के भूमिका सरलग बाढ़त हे। मनरेगा म अकुशल श्रमिक के रूप म काम करइया म करीब 51 प्रतिशत महिला हें। कार्यस्थल म काम के नाप-जोख अऊ श्रमिक मन के प्रबंधन के काम देखइया मेट मन म महिला मेट के भागीदारी 59 प्रतिशत हे। मेट के रूप म गांव के महिला मन कार्यस्थल म बदले भूमिका म नजर आवत हें। पहिली केवल मजदूरी करे तक सीमित रहइया महिला मन अब मेट के तौर म श्रमिक मन के प्रबंधन के संग कार्यस्थल म गोदी खोदे बर चूना ले मार्किंग, मजदूर के काम ल नाप के ओला माप-पुस्तिका म दर्ज करे अऊ श्रमिक मन के जॉब-कार्ड ल अपडेट करे जइसे महत्वपूर्ण मैदानी काम करत हें। मनरेगा म ओ मन अर्द्धकुशल श्रमिक के रूप म सेवा देथें अऊ वोकरे मुताबिक ओ मन ल भुगतान घलोक प्राप्त होथे।
मनरेगा म बाढ़त हे महिला मेट मन के भागीदारी, 59 प्रतिशत मेट महिला
