महात्मा गांधी राष्ट्रीय ग्रामीण रोजगार गारंटी योजना (मनरेगा) के तहत मजदूर मन के जुड़े समस्या मन के निराकरण ग्राम पंचायत स्तर म करे बर हरमाह के 7 तारीक के रोजगार दिवस मनाए जाथे। पाछू 7 दिसंबर के रोजगार दिवस के अवसर म जॉब कार्ड वितरण, मजदूरी भुगतान, मजदूरी मांगे समेत मनरेगा ले जुड़े समस्या मन उपर चर्चा करे जात हे। ये रोजगार दिवस म ग्राम पंचायत छिनारी अऊ ओरछा संग आन ग्राम पंचायत के ग्रामीण मजदूर मन ल जॉब कार्ड वितरित क रे गए हे। जिला के 98 ग्राम पंचायत मन म ले अत्यन्त अतिसंवेदनशील 13 ग्राम पंचायत मन म रोजगार दिवस के आयोजन नइ हो पावत हे।
मिले जानकारी के मुताबिक जनवरी महिना 2019 ले चालू अउ महिना दिसंबर तक कुल 522 रोजगार दिवस के आयोजन करे गीस। जेमां 188 काम मन के मांग करे गीस। चालू वित्तीय साल म अब तक 1045 काम पूरा होइस, जेमां 8186 परिवार मन ह काम करिन। ए परिवार मन के करीबन 2,64,602 मानव दिवस सृजित होइस। जानकारी के मुताबिक मजदूरी के रूप म रूपिया 538.74 लाख अऊ सामान के रूप म रूपिया 92.52 लाख के भुगतान करे गीस। ये प्रकार कुल राशि 631.26 लाख के भुगतान जनवरी 2019 ले महिना नवम्बर 2019 तक करे गए हे। अइसनहे मनरेगा के अंतर्गत ग्रामीण क्षेत्र मन के निवासी मन के आर्थिक उत्थान करे जात हे।
मनरेगा के तहत आम मनखे मन के संगेच दिव्यांग मन ल घलोक रोजगार मुहैया कराए बर ये ह बड़का मंच साबित होवत हे। दिव्यांग मन ल उंखर मांग मुताबिक सुविधाजनक काम देहे जात हे। ऊंखर क्षमतानुसार कार्य मन के संभावित वर्गीकरण म पेयजल व्यवस्था, लइका मन के देखभाल करे म सहायता, पौधा रोपण करना सामिल हे। चालू वित्तीय साल के पहिली आठ महीना म अपरेल ले नवम्बर तक जिला के 64 दिव्यांग मन ल मनरेगा के तहत रोजगार देहे गए हे। ये दौरान इंकर बर 996 दिवस के रोजगार के सृजन करे गीस।
मुख्य कार्यपालन अधिकारी जिला पंचायत श्री प्रेम कुमार पटेल ह बातइस कि मनरेगा के ग्रामीण मजदूर मन ल छोटे-छोटे समस्या मन के निराकरण बर अब ग्रामीण श्रमिक मन ल मुख्यालय आए के जरूरत नइ परय। उंखर समस्या मन के निराकरण हर महीना के 7 तारीक के रोजगार दिवस के अवसर म गांवेच म मौके म करे जात हे।
जिला के दिव्यांग मन ल रोजगार के बहुत अवसर मिले ले उंखरआत्मविश्वास अऊ मनोबल बाढ़े के संगेच उंखर जीवन घलोक आसान होवत हे। जिला के दूरस्थ अउ चारो कोति ले घना जंगल-पहाड़ ले घिरे अंचल जिहां आवागमन के साधन नइ हे। उहां ले मनरेगा के ग्रामीण श्रमिक अपन मनरेगा संबंधी समस्या मन बर कई किलोमीटर के पैदल यात्रा करके आत-जात रहिन, एखर से अब ओ मन ल निजात मिले हे।
जिला के ग्राम पंचायत मन म हर महिना के निश्चित 7 तारीक के ग्राम पंचायत मन म चौपाल लगाके मनरेगा रोजगार दिवस मनाए जात हे अऊ ग्रामीण श्रमिक मन के समस्या मन के निराकरण करे जात हे। कोनो कारण ले समस्या मन के निराकरण नइ होए म मुख्य कार्यपालन अधिकारी जिला पंचायत ल ओ मन आवेदन करथें। रोजगार दिवस म श्रमिक मन ल राज्य सरकार के जनकल्याणकारी योजना मन के घलोक जानकारी दिए जात हे।
– शशिरत्न पाराशर, सहायक संचालक, जनसंपर्क के मूल हिन्दी आलेख के छत्तीसगढ़ी अनुवाद