बेटी के बीमारी बर संजीवनी बनिस मनरेगा

कोरिया, मनरेगा (महात्मा गांधी राष्ट्रीय ग्रामीण रोजगार गारंटी अधिनियम) ले आमदनी के साधन घलोक बढ़ाए जा सकत हे। संगेच ये कोनो बर संजीवनी घलोक बन सकत हे। कुछ अइसनहे तस्वीर छत्तीसगढ़ के उत्तरी हिस्सा कोरिया म देखे ल मिलीस। इहां के एक छोटे किसान ह मनरेगा के योजना के लाभ उठात अपन खेत ल तालाब म तब्दील कर दी, फेर ओ तालाब म मछली पालन करके अपन आमदनी बढ़ाइस। दुसर कोति आमदनी बढ़े के बाद किसान ह थैलेसिमिया ले जूझत अपन बेटी के समुचित उपचार घलोक कराइस। ए हिसाब ले मनरेगा ये परिवार बर नइ सिरिफ आर्थिक समृद्धि के कारण बनिस भलुक बेटी के बीमारी म संजीवनी के घलोक भूमिका निभाईस।