महात्मा गांधी नरेगा योजनांतर्गत निर्मित कुआं से रत्नाकर होवत हे आर्थिक रूप से समृद्ध

सिंचाई सुविधा उपलब्ध होए से रमकेलिया(भिंडी), फुलगोभी, हरियर मिरचा, भांटा(बैगन), पताल(टमाटर) अउ बरबट्टी के करत हे खेती
धान अउ मुंगफल्ली के खेती से होवत हे अतिरिक्त आमदनी
कुआं निर्माण होए से दोहरी फसल के घलो किसान रत्नाकर लेवत हे लाभ
जशपुरनगर 15 सितम्बर 2023
जनपद पंचायत फरसाबहार अंतर्गत महात्मा गांधी नरेगा कई रूप म लोगन मन के जिनगी बदलत हे। जरूरत के समय रोजगार देहे के संग ही खेती बुता म घलो सिंचाई भ अति उपयोगी सिद्ध होवत हे। महात्मा गांधी नरेगा योजनांतर्गत फरसाबहार के किसान श्री रत्नाकर यादव के जमीन में कुआं बनाए गए हे। जेमा किसान यादव आर्थिक रूप से समृद्धि होवत हे। कुआं बने से पानी के सुविधा उपलब्ध हो गईस हे अउ किसान रत्नाकर अपन बाड़ी में बरबट्टी अउ रमकेलिया के खेती करके आर्थिक आमदनी अर्जित करत हे।
फरसाबहार के किसान श्री रत्नाकर यादव के जीवन में मनरेगा अइसे ही लाभ लेके आए हे। किसान रत्नाकर यादव ह बताइस कि वो अइसे कोनो योजना के तलाश में रहिस। जेकर से उकर सिंचाई संबंधित समस्या के हल हो सके। एकर ब ओ ह अपन पडोसी श्री रघुराम (मनरेगा मेट) ले संपर्क करिस जेकर बाद वो ह कार्यालय फरसाबार में कार्यक्रम अधिकारी करा मुलाकात कर के योजना के बारे में विस्तृत से जानकारी लिस। फेर ग्राम पंचायत प्रस्ताव के माध्यम ले मनरेगा के इंजिनियर करा प्राक्कलन ब जमा करे गइस। ओकर पश्चात जनपद कार्यालय ले उच्च कार्यालय ल प्रेषित करे गइस। जेकर फलस्वरूप उकर कुआं निर्माण कार्य वर्ष 2021-22 में कुल 2.54 लाख स्वीकृत होए रहिस। जेमा 0.96 लाख मजदूरी अउ 1.56 लाख रूपिया जिनिस के रहिस। कुआं निर्माण ले कुल 509 मानव दिवस के रोजगार मिलिस ।
खेत के तिर बने कुआं ले उमन ल कम बारिश के स्थिति में घलो फसल ल बचाए के साधन मिल गय हे। चुंकि वर्तमान में सामान्य ले कम बरसा होए के सेती घलो आज उकर फसल बने स्थिति में हे। कारण मनरेगा ले निर्मित कुआं में पर्याप्त रूप से पानी के भराव हे। श्री रत्नाकर यादव ह बताइस के वर्ष 2021-22 सें उकर सिंचाई ले संबंधित समस्या के समाधान हो गय हे। उकर कुआं घर के तिर म ही बाडी होए के सेती वो ह विभिन्न साग-सब्जि ले अतिरिक्त आय प्राप्त करत हे। रमकेलिया ले 6 हजार फुलगोभी ले 5 हजार, हरीयर ले 2 हजार, भाँटा ले 3 हजार, पताल ले 7 हजार, बरबट्टी ले 2 हजार, अउ धान से अतिरिक्त 10 हजार अउ गर्मी के महिना में मुंगफल्ली ले 20 हजार कुल 55-60 हजार के आमदनी प्राप्त होइस हे। ए तरह से वो हर बछर अपन आय में वृद्धि करत हे। ओ ह महात्मा गांधी नरेगा योजना के सराहना करत हुये दूसर ग्रामीण मन से अपील करिस हे कि शासन के योजना से लाभ लेत रहना चाही।