रायपुर, मुख्यमंत्री श्री भूपेश बघेल के अध्यक्षता म आज ऊंखर निवास कार्यालय म आयोजित मंत्रिपरिषद के बैठक निरनय लेहे गीस के आजादी के अमृत महोत्सव के अंतर्गत छत्तीसगढ़ के संस्कृति उपर केन्द्रित लघु फिल्म अऊ स्वतंत्रता के 75 साल अऊ अवईया 25 साल म नवा भारत के निर्माण संबंधी डाक्यूमेंटरी निर्माण के कार्योत्तर स्वीकृति प्रदान करे गीस।
अइसनहे प्रधानमंत्री आवास योजना (शहरी) अंतर्गत राज्यांश राशि के पूर्ति बर ऋण प्राप्त करे बर विभाग ल स्वीकृत प्रत्याभूति के अवधि मार्च 2022 ल दिसम्बर 2024 (मिशन अवधि) तक बढ़ाए के निर्णय लेहे गीस।
एकर संगें-संग मिशन अमृत 2.0 योजना के क्रियान्वयन बर राज्य स्तरीय हाई पावर स्टेयरिंग कमेटी कोति ले अनुमोदित वित्तीय संरचना के सैद्धांतिक स्वीकृति प्रदान करे गीस। मिशन अमृत 2.0 योजना म प्रदेश के 169 नगरीय निकाय मन ल सम्मिलित करे गए हे। जेखर तहत नगरीय निकाय मन म जल प्रदाय अऊ आवर्धन योजना के काम ल प्राथमिकता ले कराए जाना हे। अऊ शासकीय चिकित्सा महाविद्यालय मन अऊ अस्पताल मन ल टर्नकी आधार म निर्माण बर सीमित निविदा के माध्यम ले केन्द्रीय सार्वजनिक क्षेत्र के उपक्रम ल प्रोजेक्ट मैनेजमेंट कन्सल्टेंट के रूप म नियुक्त करे के प्रस्ताव के अनुमोदन करे गीस।
