प्रदेश के कई जिला के कलेक्टर मन ह कोरोना वैक्सीन लगवाईन, हेल्थ केयर वर्कर घलो उत्साह ले टीका लगवात

रायपुर, 7 फरवरी 2021। छत्तीसगढ़ म कोरोना संक्रमण के दौरान जोन प्रकार जिला मन म कलेक्टर के नेतृत्व म राजस्व अमला अऊ फंट लाइन वर्कर ह पूरा मेहनत अऊ लगन ले कार्य करिन। आज उही कड़ी म अपन कत्र्तव्य के निर्वहन करत हुए शनिवार के कलेक्टर अऊ राजस्व अधिकारी मन ह कोरोना वैक्सीनेशन करवाइन। शनिवार अऊ शुक्रवार के कई जिला के कलेक्टर,पुलिस अधीक्षक अऊ डिप्टी कलेक्टर मन ह मिसाल पेश करत हुए कोरोना के टीका लगवाइन। शनिवार के बीजापुर जिला के कलेक्टर श्री रितेश अग्रवाल,कोंडागांव जिला के कलेक्टर श्री पुश्पेन्द्र मीणा,कोरिया जिला के कलेक्टर श्री एस एन राठौर , बेमेतरा जिला के कलेक्टर श्री शिव अनंत तायल, गरियाबंद जिला के कलेक्टर श्री नीलेश क्षीरसागार, राजनांदगांव जिला के कलेक्टर श्री टोपेश्वर वर्मा ,एस पी श्री डी श्रवण, जशपुर जिला के कलेक्टर श्री महादेव कावरे अऊ एस पी ह , शुक्रवार के रायगढ़ जिला के कलेक्टर श्री भीम सिंह सहित कई डिप्टी कलेक्टर अऊ राजस्व अमला ह कोरोना के टीका लगवाइन। कलेक्टर मन ह कहिन कि ये टीका सुरक्षित हे अऊ बिना डरे अपन अऊ परिवार के सुरक्षा बर येला सबो ल , अपन बारी आये म लगवाना चाही।