माओवाद प्रभावित क्षेत्र ले निकलके आत्मनिर्भरता के मिसाल बनिस श्रीमती सरोज पोडियाम

पीएम स्वनिधि योजना बनिस आर्थिक सशक्तिकरण के आधार
सुकमा, जिला के रहवइया श्रीमती सरोज पोडियाम माओवाद हिंसा ले प्रभावित परिवार के हे। साल 2009 म माओवादी मन ह वोखर ससुर के हत्या कर दे हे रहिन। जेकर से वोखर परिवार गंभीर आर्थिक संकट म आ गए रहिस। ए कठिन हालत म शासन ह संवेदनशीलता देखात नवा बिहान योजना के अंतर्गत ओ ल घर दीस अऊ वोखर पति श्री राकेश पोडियाम ल नगर सैनिक (सिपाही) के पद म नियुक्त करके परिवार ल सुरक्षा अऊ आजीविका के सहारा दीस।
श्रीमती सरोज पोडियाम पहिली ले ही घर म सिलाई के काम करत रहिस, फेर पूंजी के कमी के सेती ओ अपन व्यवसाय के विस्तार नइ कर पात रहिस। जब ओ ल प्रधानमंत्री स्वनिधि योजना (PM SVANidhi) के जानकारी मिलीस, त वो ह स्व-रोजगार के अवसर ल अपनाए बर आवेदन करिस।
दिनांक 24 नवम्बर के स्टेट बैंक ऑफ इंडिया, सुकमा से ओ ल 15,000 रूपिया के करजा पास करे गीस। मुख्य नगर पालिका अधिकारी श्री पी.आर. कोर्राम अऊ नगर पालिका परिषद सुकमा के अध्यक्ष श्री हूँगा राम मरकाम ह उमन ल चेक दीन।
करजा पास होए के बाद श्रीमती सरोज पोडियाम ह अपन सिलाई व्यवसाय ल नवा उत्साह अऊ आत्मविश्वास के संग आगू बढ़ाइस। आज ओ अपन मेहनत अऊ सरकारी योजना मन के सहयोग ले परिवार के भरण-पोषण करत हे अऊ आत्मनिर्भर अऊ सशक्त महिला के रूप म समाज के आगू उदाहरण प्रस्तुत करत हे।
श्रीमती सरोज के कहना हे के सरकार कोति ले देहे गए सहायता अऊ अपन दृढ़ इच्छाशक्ति के सेती ही हमार जीवन म सकारात्मक बदलाव आए हे।
उंखर कहानी ये दर्शाथे के सही मार्गदर्शन, शासन के योजना मन के लाभ अऊ व्यक्तिगत संकल्प कोनो कठिन हालत ले उबारके सफलता कोति ले जा सकत हे।