बीजापुर, 21 मार्च 2021। माओवादी मन ह एक आरक्षक के बेरहमी ले हत्या कर दीस. अपहरण के बाद ये वारदात ल अंजाम देहे गीस. आरक्षक के हत्या ले इलाका म सनसनी फैलगे हे. शहीद जवान के नाम सन्नू पुनेम बताये जावत हे. जानकारी के अनुसार, माओवादी मन ह शनिवार देर संझा आरक्षक के अपहरण करे रहिस. पोंदुम गांव ले ओला उठाके ले गए रहिस. आरक्षक पुनेम ससुराल जाये बर निकले रहिस. तभे वारदात ल अंजाम देहे गीस. माओवादी मन ह हत्या के बाद जवान के शव केशकुतुल के तीर फेंक दीस. एसपी कमलोचन कश्यप ह घटना के पुष्टि करिन हे. शहीद जवान गंगालूर थाना म आरक्षक के पद म पदस्त रहिस. शव ल भैरमगढ़ लाये गए हे. पोस्टमार्टम के बाद शव परिजन मन ल सौंपे जाही.
माओवादी मन ह आरक्षक के बेरहमी ले कर दीस हत्या, इलाका म सनसनी
