मर्दापाल के अर्जुन बघेल ह सरकारी मदद ले कुरुसनार म तियार करिस डेयरी यूनिट

रायपुर, बस्तर के इलाका हमेशा दूध उत्पादन के क्षेत्र म पीछू रहे हे काबर के इहां दूध बर गोपालन के परंपरा नइ हे। राज्य शासन ह डेयरी उद्यमिता ल बढ़ावा देहे बर स्थानीय किसान मन ल प्रोत्साहित करिस। एकर परिणाम दिखना शुरू होए हे अऊ ग्रामीण क्षेत्र मन म घलोक उद्यमी तियार होए ल सुरू हो गे हे।
कुरूसनार के अर्जुन बघेल अइसनहेच एक उद्यमी ये। वो ह इंग्लैंड के सबसे चर्चित प्रजाति क्रॉस एचएफ गाय डेयरी उद्यमिता योजना के अंतर्गत लेहे हे। ओ ल एक लाख 40 हजार रूपिया म ये गाय मिले हे। एखर खातिर शासन कोति ले ओ ल 92 हजार रूपिया के अनुदान तको मिले हे।
अर्जुन बघेल अब डेयरी के दूध मर्दापाल म बेचत हे। भेंट-मुलाकात कार्यक्रम म वो ह मुख्यमंत्री श्री भूपेश बघेल ल बताइस कि खेती-किसानी के अकतहा अब पशुपालन घलोक मोर आय के माध्यम साबित होए हे। वो ह बताइस कि डेयरी उद्यमिता योजना के माध्यम ले ओ ल जेन लाभ होय हे, ओखर से ओ ह उद्यम के विस्तार करही।